[تامر ديزل]

السلام عليكم
الصوفية والشيعه
سؤال هوا فيه فرق بين الصوفية والشيعة في مصر
وهوا فيه شيعه في مصر
انا هاحكيلكم عن كام موقف كدا مريت بيهم زمان
انا كنت ماشي مع الاخوان في دمياط من سنة1987 الى 1994 وكان لينا جامع بنصلي فيه في وسط البلد مع الناس مش لواحدنا بس كان معروف انه جامع الاخوان او زي ما كان الناس بيسموهم الاخوة
وفي يوم صلى المغرب بينا امام من برا البلد وراح مديلنا درس اوخطبه بعد المغرب لحد العشا ومن اول ما اتكلم كنت حاسس ان الجو مكهرب ؟
في وسط كلامه قال كان فيه ولي من الاولياء الصالحين اسمه ابو يزيد البسطامي بيقول رأيت الله تسعا وتسعين مره ولئن رايته المئة لأسألنه في تطليق زوجتي فلما رآه قال له اصبر فأنت افضل من نوح وهي مع زوجة نوح
وهنا تكهرب الجو بزياده بين الاخوان كبار السن وبالمناسبه انا كنت ساعتها 18 سنه وبين الامام الشاب الغريب عن البلد وبدأت تتضح الرؤية قدامي البيه من دعاة احد الطرق الصوفية وعمال يقول كلام ما انزل الله به من سلطان والاخوان كانوا عارفينه من البداية بس كانوا مستنيين يغلط في كلامه لان البسطاء اللي في الجامع ممكن يتعاطفوا معاه لو هما منعوه من البدايه
هوا فيه حد بيشوف ربنا سبحانه وتعالى في الدنيا ياصوفيه ؟
هوا فيه واسطه بين الله والعبد المسلم ؟
هوا المسلم محتاج يتبارك بالقبور عشان ربنا يستجيب له ؟
سؤال كمان المفروض ان الطرق الصوفية بيقولوا على نفسهم انهم ال البيت وبيتقربوا الى الله بعبادات مخصوصه غير عبادات العوام اللي زينا
طيب نرجع للسياسه بقى ايه اللي يخليهم ياخدوا جانب الليبراليين والشيوعيين والشيعه سياسيا ؟
المفروض انهم يكونوا جوا التيار اليميني ايه اللي مودبهم الناحية التانية ؟
سلامو عليكم