رد: السلفية هي الفهم الصحيح للإسلام
بص هقولك حاجه
عارف ايام الرسول صلي الله عليه وسلم
كان الناس قبل اتباع الاسلام يوصون بعضهم بعضا
لا تسمعو لهذا القران والغو فية
خايفين يسمعو القران لية ؟
عن ابن عباس رضي الله عنه ان اوليد بن المغيرة جاء للنبي صلي الله علية وسلم وقال
له اقرا علي فقرا علية النبي صلي الله عليه وسلم ان الله يأمر بالعدل والاحسان وايتاء ذي القربي ... ) الاية فقال الوليد اعد فاعاد فقال الوليد والله ان له لحلاوة وان علية لطلاوة وان اعلاه لمثمر وان اسفلة لمغدق وانه ليعلو ولا يعلي علية وانه ليحطم ما تحته وما يقول هذا بشر
الناس بتبقي مقتنعة بطريقة حياتها ومحدش بيحب التغيير!!!
محتاجين مغريات جامد ة جدا عشان الواحد يغير
طيب ما هو عدم الالتزام احلي
الاغاني وو و و كلها حاجات جميلة جدا وبتعيش الواحد في مود كويس
الناس بتفكر بس بألم او معاناة التخلي عن الحاجات دي
زي السجاير مثلا
مش هقدر ابطل
مستحيل
صعب جدا
مع انه ممكن
واسال واحد بطل سجاير يقولك اد اية هو سهل
بس بعد ما بطل
نفس الفكرة في الالتزام
هوي النفس جميل وكل واحد بيحب اتباع الهوي
ولكن حماية النفس من اخطار اتباع الهوي صعب
الواحد باصص بس لما ابطل كذا او كذا هقدر؟ باصص لمعاناة لكن مش باصص للذة اللي هيجنيها بعد كدة وهي الحكاية عبارة عن درجات او سلالم
كل ما هتطلع سلمة هتلاقي ان اللي فوق محتاجه مجهود لكنها احلي المجهود صعب وكلنا بنحب الكسل دي القضية !!!
الاسلاميين محتاجين عوامل ابهار
المتدينين لازم يبقو متمدينين وستايل ولازم يبتدو فعلا يعملو دعاية بكل الطرق الحديثة المبهرة سواء مؤثرات بصرية او سمعية وهم بيفتقرو للموضوع دة لانهم عدو المرحلة دي فبالتالي تلاقي الملتزم يهمة فقط انه ياخد المعلومة من الشيخ فلان ويوصل للمعلومة
انما بقي الشيخ فلان بيديها في زاوية او في الشمس اوطالع في حلقة في التلفزيون قاعد علي مكتب مش مهم عنده
طيب ماشي طالما معروف دلوقتي ان الناس بتحب كذا بالطريقة الفلانية واية امشكلة ان شيوخنا يقدمو حلقات بالطرق الحديثة دي اللي تستميل قلوب الناس اللي عالبر
لانهم هم عايزين الابهار البصري خلاص يدوهولهم
سواء اماكن تصوير ديكورات تواجد مشاهدين وعوامل تانية كتير بتوع الدعاية ادري بيها مني
باختصار عقدة الخواجة
ربنا يهدينا ويرزقنا الخير ويولي امورنا خيارنا
__________________
 بسم الله الرحمن الرحيم
وما كان ربك نسيا
صدق الله العظيم
|