[young..pharaoh]

الراجل ده قابض ولازم نكرمه

هل الديموقراطية ان كل من خالفك الرأي يبقي مدفوع له ؟

عايزين نرتقي بالحوار من التخوين و التكفير الي الحجة و المنطق

فــ الاختلاف في الرأي يثري القضية و يظهر الحق فلا يجعل للباطل طريقا

والله يا ابني انا مش هقولك غير حاجه واحده بس متتكلمش عن الحرب واقعد ساكت لانك للاسف مبتفهمش حاجه لانه مش هو لوحده اللي حارب مش هنمحي ملايين الجنود ونمسحهم ونطلع واحد بس اللي قام بالليله كلها

تسفيه الآخر يجعله يتمادي في الباطل وإن أظهرت له الحق كقرص الشمس و أشهدت عليه الخلق كلهم

و لا ننكر للمخلوع فضله في الضربة الجوية الأولي

فمن المعلوم بمكان ان الضربة الجوية اهم ما في الحرب .. ان نجحت فقد اتممت الجزء الأكبر

زي 67 كدا لما طيارتنا اضربت علي الارض فاصبحنا بدون غطاء جوي

لو كان معانا سلاح الطيران بقوته لاختلفت موازين الحرب

و حضرتك كنت قولت والدك في الجيش .. هو أقدر مني في الكلام علي أهمية الضربة الجوية الأولي

اه بأمارة التسليح ميبقاش غير عن طريق الاعانه من امريكا ياعم مش قولتلك اسكت انتا مش فاهم حاجه

أمريكا لا تدفعها لحب فينا أو لعطف العظيم علي الفقير

انما هي مجبرة باتفاقية السلام علي تسليح الجيش المصري

يعني احنا دافعين تمنها

_ _ _ _ _ _ _ _ _ _ _ _ _ _ _ _

اما النقاط اللي ذكرها الأخ فادي

الناس مفترضة ان الدولة لم يكن فيها مسئولون كل فى منصبه و كأن مبارك يديرها بكبسة زر؟! هذا ليس صحيحا,

هذا صحيح والدليل كل سنة يعزبنا في الميزانية و في الاخر بقرار رئاسي تترفع
وزيادة عيد العمال و الانتخابات

المسلسل المعروف ده

مصر منذ عهد بعيد كانت تدار عبر مجموعتين منفصلتين, رئيس الجمهورية و عمر سليمان و قيادات الجيش يديرون السياسة العليا و السياسة الخارجية, بينما تترك الامور الداخلية لرئيس الوزراء و الوزراء و هؤلاء غالبا من التكنوقراط. الكثير من الوزراء لم يؤدوا واجبهم كما يجب, و الكثير منهم أيضا أدى واجبه بكفاءة

الرئيس مسؤل عن كل ما يحدث في مصر ..
و لو كان هدفه السياسات الخارجية فقط كان أولي ان يمسك وزارة الخارجية

و حسنى مبارك الذى وصل بمصر الى معدلات تنمية 9%

حضرتك فصلت بين الرئيس و الوزارات و رجعت ربط بنهم هنا تاني ؟

بس معدلات التنمية فضيحة في حد ذاتها
لان قصادها بطالة بتزيد
ناس بتوصل لخط الفقر و النسبة بتزيد كل سنه
عجز دائم في الميزانية
ديون بتزيد
ويوم ما بيبقي في انجاز بيقولوا حافظنا علي الديون مزادتش !!
سعر الجنيه اللي بقي في الأرض
بيع لكل ما بنته الدولة في عهد عبد الناصر و مصانع كانت بتجيب دخل راحت فين
أخيرا فضيحة في مصادر الدخل
الضرايب الجزء الاكبر يعني بنلم من بعض
السياحة و قناة السويس .. معتمدين علي الغير .. لو وزير الخارجية لبلد قال متروحوش مصر هيوقف دخلك
ربع اقتصادك و اكتر معتمد علي الغير !! فضيحة بكل المقايـيس
فين الصناعة و الزراعة بخ!!

و حسنى مبارك الذى طور الجيش المصرى فجعله أقوى جيوش المنطقة بحسب التقارير الدولية.

نسيت حرف من علي فكرة .. من أقوي جيوش المنطقة

هقول كلمة ممكن تزعل اخواتنا العرب بس هي حقيقة

مصر مش ده مكانها و مش ده مجال مقارنتها

عايز تقارن يبقي قارن مع الهند و ايران و اسرائيل ( من المنطقة بتاعتنا )

كلهم بنووي !! ربنا يصبرنا احنا بقي

و حسنى مبارك الذى قضى على الارهاب

هو كان الارهاب فين اصلا ؟! ده اشعل الفتنة بين المسلمين و المسيحيين

و حسنى مبارك الذى جعل من شرم الشيخ مدينة سياحية عالمية شهيرة.

حضرتك رجعت تربط بين الدولة من الداخل مع انك قولت مش شغلته

بس فعلا ده انجاز في مقابله مصايب منها اي حد من البدو ممنوع يمسك تمليك شقة !!

كفاية دي

حسنى مبارك الذى رفض المشاركة فى حربى افغانستان و العراق. حسنى مبارك الذى كان حجر عثرة ضد أطماع ايران فى المنطقة.

قصدك انه جبان ؟ خاف يدخل بين الكويت و العراق و ساب امريكا تحتل شبه الجزيرة

قال تعالي ( وإن طائفتان من المؤمنين اقتتلوا فأصلحوا بينهما فإن بغت إحداهما على الأخرى فقاتلوا التي تبغي حتى تفيء إلى أمر الله فإن فاءت فأصلحوا بينهما بالعدل وأقسطوا إن الله يحب المقسطين ( 9 ) إنما المؤمنون إخوة فأصلحوا بين أخويكم واتقوا الله لعلكم ترحمون ( 10 ) )

ربنا مقالش ملكوش دعوة سيبوا امريكا هي اللي تحلها

و حسنى مبارك الذى تنحى عن منصبه حقنا للدماء و لم يهرب و لم يعلنها حربا على شعبه مثل أخرين

المحاكمة مستمرة .. من اين اتيت بالحكم

ثم انه اتخلع مش تنحي

ربنا يهدينا جميعا لرؤية الحق