رد: فيرنا 1600cc
انا ياجماعةمتابع النقاش بخصوص الفيرنا و اللانوس
بصراحة اقتنعت بالفيرنا و ربنا كرمني و جبتها كاملة
السيارة بجد جميلة ورشيقة
بس للاسف احنا المصريين لازم نخرب كل حاجة حلوة بالفهلوة و النصب وقلة الادارة والمتابعة
اللي حصل معايا كالاتي
بعد مارخصت السيارة بيوم رايح بيها الشغل وهوب بطلت مني في الاشارة ( نقلة دبرياج )
احاول اخليها تدور ابدا ( واضح انه عيب كهرباء )
سألت سائق تاكسي قال لي ربط كوبس علي البطارية
طبعا مفيش معي عدة
المهم ربنا كرمني ولقيت ناس زقوني ودارت
رحت لكهربائي بص عليها قال لي ده عيب بطارية اطلع فورا علي التوكيل
رحت التوكبل وكانت المفاجأه المقرفة لي
الباشا مدير التوكيل بيقول لي امامك اختياران
اما تسافر بيها قليوب و يغيرولك البطارية وانت واقف او تسيب لي السيارة و المفتاح و الرخصة لمدة 15 يوم وبعدين تعال خدها
قلت له يعني انا اشتري سيارة وعشان اشوف مشكلة البطارية تمنعني من ركوبها 15 يوم؟
قال لي هو ده نظامنا
طيب اكشف عليها وشوف ايه المشكلة
يقول لي انا اسف لازم
سيبها هي و المفتاح و الرخصة 15 يوم
طبعا ما وافقتش وحسيت بندم ان هي د ي مستوي الخدمة وهو ده الضمان
رحت لواحد بتاع بطاريات كشف لي عليها لقي ربع بايظ
استغربت و رحت لواحد تاني بتاع بطاريات وكشف عليها وفعلا لقي ان فيه ربع بايظ
سألني فين ضمان البطارية وقارن بينه وبين البطارية الموجودة بالسيارة وكانت المفاجأه البطارية مش هي المدرجة بالضمان
|