[moatazrhm]

يا جماعة انا لسه جايب لانسر 2011 - 1600 مانيوال فى اول زيارة للتوكيل الجديد اديموند موتورز طلبوا منى انهم يعملوا فحص ما قبل الضمان للعربية باعتباره اجراء اعتيادى لتفعيل الضمان و بالفعل نزلوا معايا مهندس عاين العربية و قالى انها هتدخل الورشة عشان يتعملها تربيط عفشة و تتفحص على الكمبيوتر المهم العربية دخلت و قعدت مستنى اكتر من ساعتين لغايه ما خرجت المهم خرجت و المهندس قالى انهم غسلوها رغم انى مش لاقى مبرر للغسيل لكن مش هنقول لأ .
المهم الدنيا كانت ساعتها الساعه 3 و نص فى عز الحر و اخدت العربية فى طريق الرجع على المحور بدأت المفاجأت اولا لاحظت ان دواسة الفرامل فيها حاجة غير طبيعية كل ما احط رجلى على الفرامل الاقى الدواسة بتنزل حوالى 2 سم لتحت لغاية ما تبدأ الفرامل تستجيب .
ثاميا دواسة البنزين زى ما تكون مش فى مكانها لدرجة انى مكنتش عارف اضبط العربية مع الغيار الأول و طبعا انا لما ركبت لقيت مكان الكرسى راجع لورا فعدلته و طلعته قدام و ظبطت الظهر يعنى مكان رجلى بقى زى ما هو بالنسبة للداوسة.
ثالثا التكييف بدأ يعمل صوت و الصوت ده صوت عادى و ان كان جديد هو صوت الكومبريسور و هو بيشتغل من مروحة لتكييف ولكن الغريب ان الصوت ده مكانش بيحصل قبل كده يعنى مكنتش بسمعه خلال الأسبوع اللى سقت فيه العربية خالص ده.

المهم انا ناوى اروحلهم ان شاء الله يوم السبت لكن عايز برده استشارة اهل الخبرة ايه اللى حصل فى الفرامل و ايه اللى ممكن يكون حصل فى البنزين و التكييف ؟ انا بصراحه مش عايزهم يعكوا لأن كل الناس اللىف ى التوكيل الجديد شكلهم خبرتهم محدودة و ناس مش جامدة و للأسف انا مضطر ارولحهم و اتابع معاهم لأن الصيانات لازم تتعمل عندهم كشرط لاستمرار الضمان و ده شرط غريب هما قالولى عليها بعد ما ختموا الضمان .