رد: اقرا .... قصيدة (ندالة) وقول رايك .هتسيبها وتندل ؟ ولا قاعد فيها؟؟
شكرا لكل الناس اللى علقت على القصيدة
وخصوصا د بولان الشاعر الكبير اوى
وكمان بمكبمك وترجع بالسلامة ياباشا
وكمان كل الناس اللى قرأوها
ولى كلمة صغيرة
انا عايش برة مصر (طرابلس)مش برة اوى . لكن لفيت بلاد تانية كتير فى شمال افريقيا
بجد مفيش غير مصر
واللى حلو كمان ويمكن اكتر من مصر نفسها .. هو المصريين .... لية بقى؟
كل واحد مصرى متغرب برة مصر بتلاقى عينة على مصر
عايز يشترى شقة او ارض او حتى عربية فى مصر ... مع انة ممكن يكون مش هايرجع خالص او فى خططتة انة مش ناوى يرجع قبل 20 سنة مثلا ... لكن حريص انة يبقى لة اى حاجة فى مصر
ودة دليل قوى جدا على ارتباط المصريين الشديد بارضهم وبلدهم
وكأن المصرى اللى مسافر برة مصر زى طفل ساب امة
وعشان يثبتلها دايما انها فى قلبة . عايز دايما يكون مع امة حاجة من ريحتة . مع انة ممكن مايكنش هايرجع قريب
وحتى المصريين اللى خلاص اتأقلمو وعاشو وخلفو فى بلاد تانية وحتى ممكن يكونو اخدو جنسية تانية
دايما بردو عايزين يرجعو ولو حتى الرجوع النهائى ويدفن فى مصر
واخيرا بقول
اولا ... بنحبك يا مصر اوى
ثانيا ... انا رأيي ان عظمة مصر فى المصريين على مر العصور
__________________
اللى بنى مصر .... لا رسم .... ولا سطر
ولا عمل حسابة فى يوم ... ان الدنيا هتمطر
|