[Ahmed Anwer]

ليا تجارب سخيفة اوي مع شنط اللاب توب

دايما اجيب الشنطة الصيني ام خمسين جنية

و متقعدش اسبوع و اليد تتقطع و السوستة تتفك و متنفعش كيس خضار

و اطلع علي عم محمود الراجل الطيب يضبطلي السوستة و يخيطلي اليد بمنتهي النضافة انضف من الصيني

و ياخد تلاتة جنيه

اللي مابعتبرهمش فلوس في الزمن ده مقابل فنه و مجهوده و وقته و حرفيته

و يدوب عايش و مش عارف ازاي بيلاحق علي المصاريف و الإيجار

و اخاف اقله زي الإعلان فوترني

مش عارف ليه بلدنا متبقاش زي البلاد دي ايه اللي عندهم زايد عننا

انا عارف انها حاجات كتير بس برده

انا مش عايز نعمل مصانع عربيات و لا مصانع الكترونيات

ليه الصناعات البسيطة زي دي مالهاش وجود في مصر

رغم اننا الأنسب ليها ،، يد عاملة ،، موقع متوسط ،، موارد طبيعية و فوق كل ده ذكاء و حرفية فطرية

كان ليا حظ اني ازور الصين

و هاوريك صور و تفاصيل مصنع بيعمل الإكسسوارات بتاعت الآثاث و المقابض و حاجات زي كده

االمصنع البسيط ده بيصدر ل 25 دولة

http://www.leaves-hardware.com/en/index.aspx

ده الويب سايت و لو شفتوه و شفتو الكاتلوج الفخم بتاعه و اجنحته في المعارض

هتقولوا ده مصنع عظيم من الاف الأفدنة

صورة المصنع من الخارج





و زي مانتوا شايفين هوا مش مصنع و لا حاجة ده يدوب ورشة دورين ،،

و الصناعات دي في الصين مالهاش مناطق صناعية ،،

دي بتبقي وسط البيوت

و العمال ييجوا بالعجل ،،

شوفتم التفكير العملي ،،

مش منطقة صناعية و اتوبيسات و مشالات و انتقالات ،، و المصانع جنب بعضها تكمل بعض

ده يعمل بلاستيك و ده حتة حديد و ده الأخير زي اللي بتكلم عليه يجمع

و هتشوفوا امكانيتها متزدش عن اي ورشة حدادة بس الدماغ

مكنة الحقن اجمد مكنة عنده و واضح انها من ايام الهكسوس بس بتشتغل



مكن معفن و واضح انه مش مكن بلدي ده مكن الراجل عامله علي ايده



خطوط الإنتاج بالروبوت



أحدث ماكينات التشكيل و اللحام علي فارمة ههههه

التلميع بأحدث ماكينات الجلخ مع أقصي درجات الأمن الصناعي بالجرايد



ثم خطوط التعبئة و التغليف المتطورة









مجلس ادارة المصنع


الاف او ملايين الورش زي دي

بيعملولها معارض فظيعة كل سنةو المستوردين من كل انحاء العالم بيتهافتوا عليها
و الكلام بالكونترنات مفيش بالحتة

ارض المعارض








و الاف البسطاء الشغاليين زي دول بيبنوا الحضارة و الرخاء

و ترتفع ناطحات السحاب و تتحق المعجزات

ناطحات السحاب









علي فكرة دي بلد صغيرة في الصين حاجة كده زي بني سويف عندنا يعني مش مدينة جامدة زي شنغهاي و لا بكين

و يا عيني عليك يا مصر

بانتظار تعليقاتكم و خاصة الأخوة المهندسين بالمنتدي

_________________________ _________________________ __

أحد مواضيعي بمنتدي آخر

_________________________ _________________________ __

إهداء لأولد مان ،، عشان يعرف اني بحب الصين جدا ،،

و معجب جدا بالتجربة الصينية