[بدر بسيونى]

مقارنة لحبيبى سومو بين الالنترا والستروين C4

المقارنة دى عشان حبيبى سومو وعشان اقوله الف الف مبروك على العربية الجديدة وربنا يباركله فيها ويديه خيرها ويكفيه شرها

وبرغم من انها اضربت كام عين فى الاول لكن الحمد لله على كل شئ

وربنا يباركله فيها ويسلمه يارب

وبرغم من ان الالنترا سيدان وC4 هاتشباك بس عشان سومو تمشى المقارنة

ابدأ بالمحرك

الالنترا محرك 1591 سى سى وC4 محرك سعته 1587 سى سى

يعنى اكبر ب 4 سى سى والاكبر منك بسى سى يعرف عنك بسنة ماشى ياسومو


محرك الالنترا يولد 121 حصان عند 6200 لفة فى الدقيقة فى حين C4يولد

109 حصان عند 5800 لفة فى الدقيقة (واخد بالك ياعم سومو )


طب بالنسبة للعزم فى الالنترا 152.8 نيوتن متر عند 4200 لفة فى الدقيقة فى

حين C4 اقصى عزم لها 147 نيوتن متر عند 4000 لفة فى الدقيقة

وطبعا ناخد فى بالنا وزن العربيتين

الالنترا وزنها 1190 كجم والC4 وزنها 1200 كجم

ماشى ياعم سومو طول عمرك تقيل

طب التسارع ياعم سومو ايه نظامه

الالنترا بتقفل 100 كم فى تقريبا 10 وكام جزء مش فاكركام بالظبط فى حين C4 فى 10.6 ثانية بالاخذ فى الاعتبار فرق الوزن


الالنترا كورى تقفيل كورى والC4 فرنساولى تقفيل فرنساوى

والله ششهادة حق العربية جميلة بسم الله ما شاء الله ربنا يباركله فيها ويقدره على قطع غيارها





وربنا يقدرك على فعل الخير ياسومو