رد: أسعار ومواصفات هيونداي "Elantra" لعام 2012 من "غبور أوتو"
السحب و الحجوزات اللي الزملاء بيتكلموا عليها مش دليل نجاح السيارة
لان الكيا سيراتو بشكلها الجديد كانت برضه عليها خناقات و ضرب نار و بعدين كله ابتدى يشتكي و يبيع كسر زيرو و سعرها نزل في الارض مستعمل
فعلا الالنترا الجديدة عربية متفوقة جدا
لكن برة مصر - بالمواصفات اللي برة مصر
تخيلوا عربية زي الالنترا برة نازلة بموتور 140 حصان ( هنا ب 130 حصان )
و نازلة ب 6 ايرباج (2 ايرباج ستاندرد )
فرامل اي بي اس + اي بي دي + بريك اسيست + بالانس كونترول + العديد من وسائل الامان و الحماية الالكترونية الحديثة و المتطورة للحفاظ على سلامة الركاب و المشاه
نشوف الالنترا في مصر: تيجي تفرمل العربية ولا فيها اي بي اس ولا اي بي دي
تاخد غرزة العربية حتعوم معاك و ممكن تتقلب
لو لا قدر الله حادث حصل اغلب الموديلات مفيهاش ولا ايرباج واحدة تحمي السائق او الراكب
و كمان الموتور للاداء اقل من اللي برة
و اخيرا كماليات الرفاهية خلوها لاعلى فئة بسعر الياباني ( و برضه عوامل الامان ضعيفة جدا ) و مش كده - متشال منها الدي في دي و الجي بي اس و ال بارك اسيست
شكرا غبور
|