رد: انا فى حالة انعدام وزن ارجوكم
خلاص يا شباب اهدو ديه راحت ولا جت شوية صاج ومش مستاهلة حدة الاختلاف ديه
بالنسبة للاستاذ الكريم صاحب المشاركة الاولى والاستفسار
حضرتك محددش من اولوياتك غير العامل الاقتصادى على اعتبار ان حضرتك مسافر قريب واكيد عايز حاجة سعرها كويس اعادة البيع كويسة ومتخسرش ومصاريف التشغيل فى السنين الاولى متبقاش كبيرة
كل ده يخلى الخيار الامثل العربيات الكورى ( هيونداى - دايو ) وابعد عن الشيفرولية
مراكز خدمة فى كل مكان وعربيات محفوظة
ماسكة سعر واعادة البيع سهلة وسريعة
مصاريف التشغيل عموماً ارخص من الفئات الاعلى او اللوجان او حتى الصينى
لكن ينقصها الامكانيات وبعض من الاناقة والتميز
لو حضرتك الامكانيات والتميز اولوية مضافة بالنسبالك يبقى ممكن تفكر فى الصينى او فى اللوجان او الماليزى
كماليات اكثر وتميز اكتر بس عايزة واحد استخدامة اقل وربنا يكفيه شر الحوادث واحنا جميعا
نصيحة تانية انك تحاول تشوف حاجة كسر زيرو مش زيرو
انا لو مكانك بالمبلغ ده اجيب حاجة كسر زيرو فئه اعلى من اللوجان والبى واى دى وتبقى بحالة الزيرو واوفر وارخص ومش هتخسر فيها باذن الله كتير يمكن تكسب
استخير واسترشد بكل الاراء واتمنالك التوفيق فى اختيارك
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|