[AbOnOrA]

معلش يا جماعة انا بقالى يومين مش متابع الدنيا هو حصل ايه

حسنى مبارك اعدموه خلاص ؟؟؟
العادلى طيب ؟؟
طب احمد عز ؟؟
ولا جمال ؟
ولا وزير ؟
ولا مسؤل محليات ؟
ولا ظابط فى الداخلية ؟؟

ايه ؟ امين شرطة اتحكم عليه ؟؟؟

هى الثورة كانت قامت علشان امين الشرطة ده هو اللى كان مبوظ البلد وجايبلها السرطان والفقر وبايع من ترابها قد مساحة خمس دول خليجية ؟؟

مقاصل ايه ومشانق ايه ديه وفين انا مشوفتهاش ؟؟؟؟
انتو اكيد بتهرجو ؟ صح ؟؟

طيب نسيبنا من التهريج ؟؟
ممكن اسأل سؤال واضح وبرىء ؟
فين العلاقة بين موقف الرسول فى فتح مكة من الكفرة (اللى الرسول حربهم بالسيف وبعد ان هزمهم وفتح معقلهم وهدم اصنامهم اللى هى محور الخلاف اللى هو خلاف عقائدى وبعدين عفا عنهم )

وبين الثوار الاشراف الاحرار اللى نزلو يطالبو بالحرية والكرامة ضد انظمة فساد عميلة ابتلعت ثروات البلاد والعباد وزلت النفوس وانتهكت الحرمات

علل بجد ؟؟ او اكمل ما بين النقط او شاور حتى وانا هفهم بسرعة