[AbOnOrA]

ثانياً خلينا نقول (جدلاً) انه متكلمش ولا اتريق على عقائد ولا اديان وانه محترم (مش مهزق) ومؤدب (مش سافل وقليل الادب) بس هو قال مثلاً حاجة تدايق سكان القاهرة اللى هما مش اغلبية ولا ليهم اى لازمة وسكان القاهرة قررو يقاطعو خدمات الراجل المحترم المؤدب ده

ممكن تقولى ايه المانع


الحملة ضد ساويرس وشركاتة حملة فى منتهى الرقى والتحضر وحق لكل مستهلك انة ينتقى من يستفيد بخدماتة
ولو كان اللى قالو واللى بيعملة ده اتقال من عشرين سنة كان زمان بقى فيه فتاوى بجد لاهدار دمة مش بس مقاطعة منتجاتة

فهل كتير علينا استخدام ابسط واكثر الوسائل تحضراً لرفضنا لكلام وسياسات الخواجة ساويرس ؟؟؟؟

وفى حاجة كمان مهمة اوى علشان حضرتك واللى زيك يفهمو موقف المسلم الغيور على دينة

أمور لا تقدح في البراء من الكافرين : ربما ظن البعض أن معاداة الكافرين تقتضي أن يقطع المسلم كل صلة بهم، وهذا خطأ، فالكافر غير المحارب إن كان يعيش بيننا أو سافرنا نحن لبلاده لغرض مشروع فالاتصال به ومعاملته يوشك أن يكون ضرورة لا بد منها، فالقطيعة المطلقة سبب للحرج العظيم بلا شك، ثم هي قطع لمصلحة دعوتهم وعرض الإسلام عليهم قولا وعملا، لذلك أباح الشرع صنوفا من المعاملات معهم منها: 1. إباحة التعامل معهم بالبيع والشراء، واستثنى العلماء بيع آلة الحرب وما يتقووا به علينا، ولا يخفى أن النبي - صلى الله عليه وسلم - وصحابته كانوا يبيعون ويشترون من اليهود، بل ومات عليه السلام ودرعه مرهونة عند يهودي على ثلاثين صاعا من شعير كما روى ذلك أحمد وغيره .

انا بقى كمسلم غيور على دينى فكرت فى السطرين دول ميت مرة

وفى الاول كنت رافض المقاطعة عموماً خاصة ان فيه دعوات فعلاً لمقاطعة منتجات النصارى عموماً ومازلت متخوف من ان ناس كتير تفهم الدعوة لمقاطعة سويرس على انها دعوة لمقاطعة عامة .. وده مش صح

لكن ساويرس تحديداً بداً من بدرى يستخدم سطوة المال للترويج لسياساتة وافكار الكراهية والعنصرية
وطالماً ساويرس استخدم المال كسلاح فاحنا هنستخدم المقاطعة الاقتصادية كسلاح مضاد
هو بيهاجم دينى ومعتقداتى بمالة وانا بدافع وهخسرة من مالة اللى بيستخدمة ضدى

المفروض الخطوة التانية فى يد ساويرس والا فاستمرارة فى نفس الافعال او عدم تراجعة عنها هتدفعنا للتصعيد