الحمد لله استلمت a113 النهاردة
الحمد لله استلمت العربية النهاردة وحجزتها من يوم السبت في فرع التوكيل اللي في مصر الجديدة
اللون رمادي ( فيراني )
ومشيت بيها حوالي 60 كم النهاردة من مصر الجديدة للعاشر من رمضان
العربية كانت عاملة حوالي 15 كم
الحمد لله العربية حلوة وناعمة
والحمد لله مفيهاش المشاكل اللي الناس اللي بتكره الصيني عموما والاسبيرانزا خصوصا بتكلم عليها وربنا يديمها نعمة
بس ما استلمتش وصلة usb وانا كده كده رايح التوكيل بكرة فهل هي لسه بتتسلم ولا انا اللي بشتريها
لكن باقي الحاجات استلمتها
ضمان العربية والكاسيت وكتالوجاتهم
الاستبن
كوريك
مثلث عاكس
شنطة عدة
الولاعة
المبايعة من ابوالفتوح ليا
وكله استلمته ماعدا usb لاني نسيت اسال عليه
وطبعا كشفت علي حاجة وجربت كل حاجة وكله تمام والحمد لله
|