[mr_astra]

هاحكلكم على احلى موقف خاص بالحلاقة والعيال
اخت مازن ابنى 4 سنين وحلقتلة نمرة واحد يعنى قبل الزيرو بشوية قلت اهى نضافة وموضة فى نفس الوقت
الواد تمام ما عملش اى مشاكل خالص خصوصا ان باباة حلق كدة برضة
وخرج من عند الحلاق تمام التمام وفرحان
اول ما روحنا البيت اومة صوتت واخواتة بقو مستغربين شكلة خالص ( هو فعلا شكلة اتغير اوى بقى عامل زى الحرامى معرفش لية )
مازن فضل واقف ادام المرايا بتاعة الدولاب
وجة يقولى اية
بابا هو انا لسة مازن ولا بقيت حد تانى
قلتلة لا يا حبيبى انت مازن ........راح بص فى المرايا كدة وقالى اصل فعلا هدوم مازن بس انا مش مازن
هههههههههههههه
فكرنى بفلم اللى بالى بالك اما وقف ادام المرايا وقال اة انا اللى بتضرب بس مش حاسس