[muslim_nsb]

المشاركة الأصلية كتبت بواسطة memodina1 بص انا هجاوب على الله اعرفة ومتاكد منة 1-افضل نوع فتيس لا اعلم 2-زيت ما تورر شيل ممتاز على العربية دى بس بلاش 10000 حط 5000 وهتحس بفرق كبير لما تغير الزيت كل 5000 دا نصيحتى ليك طيب ليه بلاش 10 الاف ده مع انه في ناس بتنصح بيه 3-افضل زيت بارو لا اعلم ونفسى اعلم 4- معرفش والله السبب راجع الميكانيكى 5- الفرامل دى بتحصل كتير فى عربيات نصيحتى روح عند بتاع فرامل مش عفشجى لاة هتلاقى واحد متخصص فى الفرامل بس وخلية يفكها ويشحم وقولة ينظف البساتم وتغير زيت باكم وتيل ورا وقدام اصلى حتى لو لسة فى تيل فى العربية غيرة برضة وركب وراجع على البساتم بالشحم الابيض مش الاسود وركب ورش wd40 فين بقى عشان المكان دا محدش بياخد بالة منة بص عارف الطنبورة مش هتلاقى صفيحة موجودة عشان حماية ليها ورا الصفيحة هتلاقى عامود ماسكها وماسك الطنبورة حط بقى ورا الصفيحة دى رش وكدة وهتلين اوى العجلة معاك فى المشى وعن تجربة ورش برصة فى نهاية العامود يعنى امشى معاة ورش فى كل حتة راكبة معاها العامود دا 6- نفس الصوت كان عندى فى الفيرنا اول ما ادور الصبح رحت شيكت ملقيتش حاجة ولما يدوب تسخن الصوت يروح طلع انى سير الكاتينة عندى مريح سنة بسيطة اوى رحت مغيرة بالمرة والصوت راح فدا غير كاتينة افضلك وكدا كدا غيرة مدام مستعملة وغير برضة كل السيور وهتلاقى العربية سحب ائع ومفيش نتش ولا اى حاجة لما تشغل التكيف هتلاقى العربية ماسكة ومية مية بعد تغيير سير التكيف بالذات 7- دى مش مشكلة كل العربيات كدة بس مش اوى ليها حد معين بعد كدة هتلاقى مثلا السير مريح وواجب تغييرة او فلتر الهواء او البوجيهات او فلتر البنزين ودل لازم يتغيروا لازم لازم وياريت انهاردة كمان ولا تنسى فلتر التكييف مهم جدا جدا خد بالك من الموضوع دا اوى انا بفكر اروح اعمل صيانة 100 الف لانها عامله 98 الف الى الان في التوكيل واغير بقه السيور والفلاتر وخلافه 8- منصحكش انك تغيير شوت الفرامل ابدا لاة انت تعمل اللى قلت علية فى الفرامل وترجلش ورا بعد ما تركب تيل ورا وخد بالك اول ما تركب التيل ورا مش هيمسك الا بعد اسبوع مشى يعنى اصبر علية عقبال ما يطبع انا اخد معايا اسبوع او 10 ايام عقبال ما طبع تمام وبعدها رحت عملت رجلاش لانك هتحس بعد ما طبع انى مفيش فرامل يد اساسا وهتبقى تمام بعد الرجلشة بالنسبة للتيل اللى قدام بياخد يوم تقريبا ويطبع ويبقى تمام هات الاصلى من التوكيل حتى لو فية حد بيبع زى التوكيل متجبش هات من التوكيل وادينى حذرت عشان متقولش بيصفر ومش حلو وبعدها الفرامل هتمسك حلو وخد بالك انى كل مشوار الفرامل فى الدواسة مجرد تهدئة بسيطة فاقوى فاقوى فاقوى لحد ما تنزل الدواسة للاخر ويكون فى دوسة بسيطة جدا عشان تمسك فى الارض وتزحف يعنى الزحف بيكون فى اخر مشوار الفرامل اللى اخر سنة فى الدواسة يعنى مش انت مثلا تدوس نص الدواسة تقوم تكلبش وتزحف لاة اخر سنة فى الدواسة ارجو انك تكون فهمتنى فى النقطة دى ( آه فاهم حضرتك حصل موقف معايا وشديت مع عربيه اسكودا جديده وكنت وراها ولسه هاعديها فجأة وقفت السكودا لان كان امامها عربيه بتنقل حديد مسلح ووقع منها فجأة رحت انا دوست مرة واحده على الفرامل كبست يعني راحت العربيه وقفت وسحفت شويه لحد قبل الاسكودا بنصف متر تقريبا ولو فى اى حاجة اكتبلى واقولك اللى عايزة 9- الموضوع دا انا اسمع عنة وياريت لو حد يقولنا على الموضوع دا انهى حرف افضل 10-اعتقد غلط الكلام دا اتن بتمور عادى وتزقها عادى جدا بس مش هتنفع تدورها زق يعنى مثلا العربية المانيوال وقفت تقوم تجيب شوية شباب زقة يا رجالة هووووب تدور وتمشى عادى جدا لحد ما تروح تصلحها لكن الاتوماتيك الفيوز مثلا ضرب البطارية نامت شكرا كل الحكاية انك هتزقها على جمب تركن وتجيب واحد لحد عنها يصلحها فهمتنى لكن تكلبش وكدة ومتتحركش لاة طبعا مفيش الكلام دا بس اتاكد من الاعضاء وارائهم الاول مع انى شبة متاكد 12- انا عندى فى الفيرنا انوار لحاجات وفرامل abs ولمبة للسنطة لما تفتح اعرف منها انها مفتوحة وانوار تانى وكدة ومش شغالة لكن مش عيب لانة هو التصميم نازل مفهوش الكلام دا فدا مش عيب فيوز دا هو العربية مش نازلة بالحاجات دى اساسا طيب ده معناه ان العربيه المفروض مجهزه للاشياء دي يعني ممكن الواحد يركبها ؟ واخيرا ربنا يكرمك فيها ويكفيك الشر والعربية جميلة حافظ عليها وبلاش تغسلها كل يوم غلط على البارومة والصدا اغسلها كل اسبوعين مثلاا بالكتير وكل 4 شهور اغسلها من تحت ونظف الماتور بالهواء وشوية مية صغيرين وخرقة ولمع كدة يعنى بالش المية الكتير فيها واسف لااطالة

لا ده انا متشكر جدا على معلوماتك القيمة والوافيه والف شكر لحضرتك