المشاركة الأصلية كتبت بواسطة fineart607
حط فى فمك سواك لما تحس انك عايز تشرب سيجارة
ويارب يوفقك ان شاء الله
|
اكتر فكره عجبتنى وخصوصا لو الواحد مداوم على الصلاه
يارب توب عليا من التدخين بالنسبة لى الموضوع تعود من الدرجة الاول وخصوصا انى بشرب قوة كتير وتقريبا ما بشربش غير القهوه فا مواطن التدخين عندى كتير ومرتبطة بأحداث متكررة اساسية خلا اليوم
سيجارة مع القهوه (اساسى وممكن سيجارتين) سيجارة بعد الصحيان بس مش على الريق عشان الفوقان وكل ما احس بالنعاس اديها واحد قهوه وسيجارة وموضوع الفوقان ده من اكتر اسباب اللى بتةهمنى ان السيجارة بتفوق وخصوصا انى مابانمش كتير وسيجارة بعد الاكل وسيجارة مع التفكير فى امور كتير وسيجارة للتسلية اثناء الانتظار عشان الوقت يعدى وسجاير بقى واحنا قاعدين قاعدة حلوه مع اصحابنا على القهوه يعنى الموضوع بالنسبة لى عادة سيئة جدا جدا جدا طبعا بخلاف الضرر المادى والصحى
المشاركة الأصلية كتبت بواسطة abo yasmen
نصيحة للمدخنين
اذا اردت ان تقلع عن التدخين خلال اسبوع فقط ، كل يوم اكتب على ورقة بيضاء: الدخان طعمه مر و يسببلي رائحة كريهة ، و تخيل كيف أن زوجتك أو طفلك الصغير ينفر من رائحة الدخان ، و سوف تندهش عندما تشعر فعلا بأن الدخان طعمه مر و تقرر الاقلاع عنه لأنك تكره الطعم المر.
|
مش عارف الحل ده مش مؤثر ليه (بالنسبة لى يعنى) حاسس انى بضحك على نفسى وانا عارف انى بضحك على نفسى عايزين حاجه اقوى من كده...
المشاركة الأصلية كتبت بواسطة mmffor
بص هو موضوع انك متمشيش بالعلبة في جيبك دي مهمة جدا
و متخليش في جيبك تمن العلبة
غير كده لما تقرأ التعليق ده فعلا مش بهزار عايزك تمسك ورقة بخمسة جنيه و تحرقها و هي بتتحرق تقول الحمدلله انها اتحرقت لواحدها و محرقتش صدري معاها
بكرة الصبح تعمل نفس الموضوع
بعد بكرة تحطها في جامع
كل يوم الصبح تحط 5 جنيه في صندوق جامع او تديها لجمعية ايتام
و ربنا يهدينا و يهديك
|
صعب جدا الواحد يعمل كده ده انا لو حرقت اول يوم 5 جنيه ....تانى يوم هشترى علبه وهقول لنفسى طالما كده كده بحرق الفلوس يبقى احرقها بمزاج احسن ما احرقها بحزن هههههههههههه الفايدة اللى فيه موضوع الصدقة اللى صح الصح
على فكرة يا جماعة (الغير مدخنين) دايما اللى مابيدخنش او مش متمسك بالتدخين او اللى ماتعودش عليه بيشوف الموضوع سهل بخلاف اللى تعلق بالتدخين وعاداته الشخصية ارتبطت بالسيجارة غير ان السيجارة فى بعض الاحيان بتكون مصدر لذّه او سعاده(احساس وهمى طبعا) بالنسبة للمدخنين
عشان كده اتمنى الاخوه اللى كانوا متعلقين جدا باسيجارة ودخنوا على مدار سنين وربنااكرمهم وبطلوا ... يقولولنا على تجربتهم يمكن ناخد حاجه منها وتصيب معانا
ادعوا لنا ربنا يتوب علينا
