رد: حـــــــــزام الأمــان : بالصور والتجارب والحقائق.
شكرا للموضوع المميز
انا ح احكي قصة حصلت لأخي في السعودية من حوالي 17 سنة
كان أخويا في جدة و كنت انا ايضا في جدة في تلك الفترة
كان هو بيروح الشغل في منطقة صناعية على اطراف جدة
وكان معاه مازدا 929 سبور موديل 84 تقريبا
وطبعا طرق جدة سريعة جدا
والعربية جديدة .... وكنوع من انواع الروشنة راح رابط الحزام قبل ما يطلع على الطريق .... وده طبعا كان ستر من الله اولا واخيرا
وهو ماشي في الحارة الشمال وبعد آخر اشارة قبل الطريق السريع ... انطلقت السيارات بسرعة ... خلاص مافيش اي اشارات تاني ....
وبعد ما اخذت السيارات سرعتها ....
فجأة السيارة التي امامه حصلها حاجة مازالت مجهولة حتى الآن ... المهم السائق فرمل باقصى قوة بدون سابق انذار .... يبدو ان قطة مرت امامه او ماشابه ذلك والله اعلم
وكانت السيارة التي امامه سيارة كبيرة تقريبا GMC او نيسان باترول ...يعني عربية فان من الكبار والفرامل بتاعتها زي الحديد ..... وراح هو كمان مفرمل بقوة .. لكنه اصطدم صدمة بسيطة بالسيارة التى امامه ... لغاية كدة مافيش مشكلة
العربية اللي وراه بقى كانت سيارة نيسان مكاسيما 6 سلندر .... المهم ان السائق لم يفرمل اساسا .... وطااااااخ
راح خابط فيه من الخلف ودفع السيارة باتعت اخويا بمنتهى القوة لتصطدم بعنف بالسيارة التى امامه ... ومن قوة اندفاع السيارة الخلفية تكرر الاصطدام بالخلف والامام 3 مرات متتالية ... زي الشخشيخة بتاعت الاطفال
لولا ستر ربنا كان راح فيها
لو تشوفو منظر السيارة بتاعت اخويا .... استحالة تصدقو ان اللى فيها خرجو منها أحياء
السيارة اتباعت خردة .... يعني اتدمرت تماما
لم يتمكن احد من اخراج الكاوتش الاستبن بعد ذلك .... لأن الاكسدام الخلفي وصل الى قرب كرسي السائق ..... و السيارة من الامام اصبح لا يمكن تحديد ملامحها ..... كل اللي ممكن يتعرف هو لونها فقط
....
الحمد لله هو خرج سليم ... فقط كدمة في صدره مكان الحزام ما شده .... ولولا ستر ربنا كان طار من الزجاج الامامي لو مش رابط الحزام
ومن يومها ....
مشوار صغير
مشوار كبير
حتى لو بيركن العربية في الشارع
لازم قبل ما يشغل العربية يربط الحزام
....
عبرة لمن يعتبر ... اللي عاوز يتعلم ببلاش .....يتفضل ياخد عبرة .... واللي مصمم يتعلم عن طريق تجربة مريرة .... ياريت يفكر شويتين .......
ربنا يحفظنا جميعا
__________________
انا جسمي عليل ودواه النبي ........... وقلبي يميل لزيارة النبي
احمد ابراهيم
|