السلام عليكم شباب المنتدي المحترمين
العربية عندي بدأت بطاريتها تنام فروحت اقيسها لاقيتها كويسه
الكهربائي قاللي اطفي كل حاجة فالعربيه وحط مفك التست عالبطاريه بوصلة سلك كدا فاللمبه بتاعت المفك فضلت تولع وتطفي بانتظام فقاللي في حاجة عندك بتسرب كهرباء
المهم قعد يكشف
لقينا الفيشه بتاعت الكاسيت في سلكتين منها مقصوصين ومتوصلين ببعض
المهم انا شاري العربيه كدا
الراجل فكهم ووصلهم تاني كل واحده مكانها زي لون الضفيره
والتسريب راح
لكن دلوقتي كل ما اطفي العربيه واشغلها الكاسيت يطلب الكود ؟؟؟؟؟
مع العلم ان الكاسيت دا بتاع العربيه الاصلي
وواضح ان المالك القديم قابل المشكله دي وراح لكهربائي وعمله الوصله دي اللي بقت بتسرب كهرباء
آه هيا حلت المشكله لكن لما البطريه ضعفت بقت بتنيم البطاريه
ارجو الافاده لان الكهربائي قاللي انه مش عارف من ايه روح لبتاع الكاسيتات ومش عايزهم يمطوحوني
وتحياتي للجميع