[goudamahdy]

السلام عليكم ورحمة الله وبركاته
الحمد لله عملت صيانة ال5000 كيلو النهاردة في مركز السبع اللي في زهراء المعادي
حقيقي الناس دي ( قصدي بتوع مركز السبع ) لازم يتكرموا من نيسان لانهم بصراحة علي مستوي عالي جدا ف الاخلاق والخبرة والاتقان ما شاء الله عليهم.
انا تعبت جدا ف الوصول للمركز لاني خبرتي ف القاهرة وشوارعها قليلة جدا بس هم بصراحة كانوا معايا ع التليفون خطوة بخطوة لحاد اما وصلت المركز.

والاورنيك بتاع الفحص تتضمن الحاجات دي .

1- العوامة ما كانتش مظبوطة . صلحو الكهرباء بتاعتها وبقت تمام...
2- " العفشة " ....كان فيه خبطة ف العجل الامامي مع المطبات : ربطو الدريكسيون شوية لان صامولتو هي اللي كانت مهوية وبقت 100 100
3- النور القدامي شمال كان بيفصل : فكو الدراع بتاع النور وكان فيه قفلة وعملوها وكمان الكلكس ظبطوه.
4- ركبوا فلتر التكييف مجانا والتكييف بقي حاجة تانيه خااااااااااااااااالص يا ريت اللي ما راحش الحمله المجانية يروح عشان ياخد الفلتر مجانا .
5- فرامل اليد كانت ما بتمسكش كويس : عملولها رجلاش وبقت بتمسك زي الحديد.
6- غسلو العربية وغسلو الموتور بالفوم مجـــــــــــــــــــــــ ـــانا.

وف الاخر كانت المفاجاة ....................... دفعت 70 جنيه بس " حق المصنعية " مخصوم منه طبعا الهدية ال 15 %
نسيت اقول انهم بدأوا ف العربية شغل الساعة 1:00 م بالظبط وخلصوها زي ما المهندس كريم قالي الساعة 3:30 م