اسف جدا ياابو الفتوح
مكنتش اعرف ان بابك مفتوح
باب الغش والسرقه والنصب
بس ده اختيارى مش غصب
اخترت عربيه حلوه وجميله
ولكن توكيلها عامل زى العيله
عيله افرادها من الغشاشين
اللى من ضمايرهم محرومين
كل حاجه عندهم ده طبيعى
حتى لو مش هيا عربيتى
كل حاجه مظبوطه وتمام
اهم حاجه يبقى فى سلام
كل اما اروح ابورواش
ابقى عايز تانى مااروحاش
اجرب مركز العباسيه
يطلع فى الأخر مش ليا
اروح تكنوسيرفيس
اطلع برده متنرفز
اروح اى مركز خدمه تبعه
اقول يارب تعبان يطلعله
اروح عند احمد مهران
اخرج مبسوط ومش زعلان
واروح مره تانيه عند المتحده
اخرج وانا فى قمه النشوه
اشمعنى اللى بره احسن من التوكيل
لأن بره فى امانه وفى ضمير
ناس دفعت دم قلبها
وفى الأخر يطلع ان ده ذنبها
ذنبها انها وثقت فى واحد كان مسجون
وان ناس قالت عليه ده مجنون
ينزل عربيه صينى مش هتتباع
لكنه طلع ناصح ولماع
لمع عربياته وخلها احسن سياره
وتوكيله قاعد يلم زى الطياره
كل شويه يقولك صيانه 3 شهور
وكأنه ختم علينا نروح للمهجور
مش لاقين اهم قطع الغيار
لكن فى الفلوس لاغبار
نفسى يوم اقابله واقوله ذنب مين حرام
ولابلاش اصل ده ضميره دايما بينام
الناس رفعت قواضى وقالت كفايا
وبرده لسه بيلعب معانا استغمايه
لازم كل اما اروح ازعق واعلى صوتى
عشان فى مره هيجى فيها موتى
رغم ان الحمد لله عربيتى كويسه
لكن فى الصيانه دايما مش متأسسه
نفسى الاقى الناس مرتاحه معاه
لكن ربنا يتعبه زى ماتعبنا وراه
انا اقسمت انى مش هروحله تانى
لكن عشان بحس ان فلوسى وجعانى
فلوس تعبان فيها وجايبها بالعافيه
مش زيك مهما تعمل برده من الناس الحاف....... ( عيب يابيسو عشان المشرفين )
عمرك ماهتشبع ولاتتهنا
واحنا بسببك هنخش الجنه
مش كل حاجه دايما بالأمانى
كل ماانروح نسمع منهم اغانى
يافندم وياباشا وحضرتك كلمات هناك عاديه
لكن من النهارده مش هتعدى عليا
اه واه منك توكيل
لكن مش هقول غير حسبى الله ونعم الوكيل
ده اهداء من للناس اللى تعبت وانا شاهد على تعابهم ومجهودهم زى استاذ عماد وغيره وغيره واتمنى وارجو من الأخوه المشرفين عدم حذف اى كلمه من الكلام ده او نقله لمكان تانى لأنى بصراحه جبت اخرى من التوكيل ده مش عشان عربيتى فيها حاجه لالالا الحمد لله العربيه زى الفل ولكن عشان اللى بشوفه كل اما اوح للتوكيل ده اللى اصبح بكل جداره اسوأ توكيل فى مصر