[فادى]

ماشى يا وائل باشا مستلمنى انت اليومين دول ptmnlo123per111
ما علينا بس متقلقش عندى الرد القاطع,
هو الشىء الوحيد المختلف فى هذه السيارة هو المحرك الدوار, و هو افتكاسة أوروبية, افتكسها واحد المانى اسمه "فينكل", و طورته شركة المانية اسمها NSU(دى نفس الشركة اللى اقتبسنا منها سيارتنا المصرية المأسوف على شبابها رمسيس), و صنعت سيارتين تعمل بهذا المحرك احداهن كانت رياضية, و من ثم أخذت مازدا هذا المحرك من NSU بدون أى تغيير, و بعدها انضمت NSU الى تحالف المانى اصبح فيما بعد يعرف بأودى, و قتلت فولكس هذا المحرك قتلا بعد ان تسبب بالعديد من المشاكل.
لكن طبعا كعادة اليابانيين الأثيرة, فهم يحبون اعادة احياء الافتكاسات الأوروبية الفاشلة و الترويج لها, و حتى الأن يعتقد الكثيرون أن مازدا هى صاحبة السبق فى انتاج هذا المحرك, و هو غير صحيح.
الأوروبيين بيفتكسوا أه, بس لما بيلاقوا انو الافتكاسة دى ملهاش لازمة, بيقوموا بقتلها فورا, عشان ييجى اليابانيين و ياخدوها و يحاولوا يقنعوا الناس بيها.
طبعا المحرك الدوار يبدو لأى واحد انو تطور تكنولوجى عظيم, لأن 1300 سى سى بيولدوا عدد كبير من الأحصنة, و بيتناسى الجميع أن المحرك الدوار بيستهلك وقود أكتر من المحرك التقليدى ده غير انو بيحرق زيت, يعنى اكثر تكلفة من المحرك العادى,
طب عملت انا ايه بال1300 سى سى لما يستهلك زيه زى موتور 3000 سى سى!!
و لا هو عشان اقول بس انو عربيتى 1300 سى سى و بتطلع 250 حصان.
على فكرة المحرك عزمه لا يختلف عن المحرك التقليدى, لكن اللى مخليه بيطلع قوة حصانية كبيرة هو انو بيقدر يدور على سرعات عالية فقط.
لكن مازال تصميم فينكل تصميم فاشل فى رأيى, و عيوبه معروفة و لم تستطع مازدا تجاوزها (و لن تستطيع لأنها عيوب اساسية), و منها حرق الزيت (راكب المازدا ار اكس 8 لازم يبقى معاه عبوتين زيت يزود منهم كل شوية و ده اللى بيبعد الناس عن السيارة), و استهلاكه المرتفع للوقود, و عمره القصير(عمره 80 الف كيلو فى المتوسط!!).
كل هذه الأسباب و غيرها احجمت الصانعين الايطاليين و غير الايطاليين عن هذا المحرك, حتى الألمان الذين اخترعوه اعترفوا بفشله, و مفيش حد متمسك بيه الا اليابانيين كعادتهم دائما فى اعادة انتاج التكنولوجيا القديمة الفاشلة.
و المثل المصرى الشهير عن مازدا حد فاكره؟
"المازدا فاسدة و لو زيرو"ptmnlo123per154
و برضو هيفضل الناس يشتروا الفيرارى بسعر يبلغ 4 اضعاف أو اكثر الأر اكس 8, فقط لأنها فيرارى.