رد: يعني ايه الستات و البنات يوصلوا الراجل لمرحله تخليه يكلم نفسه ؟ ( بجد يا جماعه بيحصل و الله )
من اكتر الحاجات الى تجننى بس دمها خفيف
لما اسأل على حاجة بدور عليها لازم يبقى كذا سوئال
يعنى فين كذا؟
فى الدرج
طيب معلش انهى درج؟
فى اوضة العيال
مهو فيه ادراج كتير فى اوضة العيال؟
تالت واحد
على اساس بتعدى من فوق و لا من تحت؟
من فوق
طيب مهو اسهل زى ما انا بعمل لما حد يسئلنى اجاوب اجابه كامله و اخلص و اخلصه
و يطلع فى الاخر مش فى الدرج يطلع فى المطبخ ÷!=؟
و لما اسئل حاجة فيها اختيارين بتجاوبنى اجابه مزهلة
زى مثلا
ابقى بره و اكلمها فى التليفون
اجيب معايا عيش و لا جبتوا خلاص ؟
ايوه
ايوه ايه بالظبط !
ايوه اجيب و لا ايوه جيبتوا ؟
ايوه جبنا
و حاولت مع الزمن احدد باترن للموضوع بس اكتشفت انه عشوائى
و الحمد لله نعمه و الله يا رب تبقى دى اقصى مشاكلى
__________________
سبحانك لا علم لنا الا ما علمتنا
|