بعد اذن حضرتك الموضوع صعب
اولا انا بأمانه مشفتش ماتور الاسبرانزا بس رودودى بكتبها بناءا على وصفك المكتوب
ثانيا انا افترضت ان الاسبرانزا فيها صمام بيئه بناءا على توصيف شكل البلف الى قالك عليه صاحبك
لان فعلا فى الاول انا افتكرته الصمام الى على مسطرة الرشاشات بتاع راجع البنزين زى ما قال الاستاذ
mhamdy75 فى المشاركة رقم 3 لانه نفس الاوصاف
و حضرتك شفت اللينك الى حطه الاستاذ
mhamdy75 و قلت لأ مش هوه
فالحاجة التانية الى ممكن تكون قريبة من الوصف هو صمام البيئة ال egrv وانا بقول كده و مش عارف الاسبرانزا فيها الصمام ده و لا لأ بس اعراض انقطاع رق الصمام كلاتى
العربية بعد ما تسخن كويس و على rpm اعلى من السلانسيه يعنى 1700 على الاقل تلاقيها بتقطع بس اللمبة فى معظم الماركات المفروض متنورش لان الكنترول مش حيعرف ان الرق اتقطع فأنا بأفترض ان السبرانزا حتحس بأختلال الاداء و ترجمه ان العيب فى البوابة هذا و الله اعلم
ثالثا علشان حضرتك متتلخبطتش
فى حاجة اسمها علبة البيئة و دى فى الشاكمان و الى اعرفه ان ملهاش حساس
لكن الى انا بتكلم عليه صمام البيئة و ده راكب على الماتور بقاعدة المفروض متوصله بفرن الشاكمان سواء مباشرة او من خلال ماسورة و ده برضه مالوش حساس مستقل ده بيبقى ليه سولونويد كهرباء راكب منفصل عنه و الى بيدى اشارة للسولونويد ده الكنترول بناءا على البيانات الى بياخدها الكنترول من حساس الحرارة و ال rpm
ممكن يتطلع ان الاسبرانزا مفيهاش egr و كلامى كله غلط علشان كده عايز حضرتك تتأكد من الاتى
- هل فعلا العيب زى ما انا وصفته انه ميبنش على السلانسيه و ميبنش و العربية باردة
- يعنى يبان لما العربية تسخن كويس و لما تبقى ماشية على rpm اعلى من 1700
- هل حضرتك شايف الصمام الى دلك عليه صاحبك
- هل شكله زى منظم الانبوبة و راكب فيه خرطوم واحد فقط واصل بجزء تانى المفروض السولونويد و ده داخل فيه فيشة كهرباء و راكب فيه خرطوم تانى متوصل بالثروتل بدى
لو فعلا كل الى فات ده متحقق
يبقى فى منتهى البساطة فك الخرطوم الى فى صمام البيئة و جرب العربية و قولى ملاحظاتك علشان نعرف نحلل العطب
لو الوصف الى فات مش هوه خالص يبقى لازم توصيف اكتر للصمام ده و يا ريت لو صورة
ده غير ان فعلا كان المفروض بالكنترول يونت التانية اتجربت يوم بمشاويره على الاقل لضمان ظهور او عدم ظهور المشكلة