[cmatcho]

المشاركة الأصلية كتبت بواسطة احمد على 1999 طيب لو هو الكانستر فالف المفروض ده شكله خرطوم بنزين داخل فيه و طالع منه خرطوم تانى متوصل بالثروتل بدى و راكب فيه فيشة و مفيهوش رداخ يتقطع احتمال بقى قصده صمام البيئة EGRV و ده فعلا فيه خرطوم واحد فقط و جواه رق و ممكن الرق يتقطع و يسبب برجسة فى العربية و اسهل حل ان الخرطوم يتفك بس الغريبة ان فى اغلب العربيات (مش عارف الاسبرانزا) لو الرق اتقطع اللمبة مش حتنور الى ممكن يخلى اللمبة تنور ان السلونويود الكهرباء الى مسئول عن فتح الفيكم فوق رق صمام البيئة هو الى بايظ فعلى الاقل جرب فك الخرطوم من صمام البيئة لو البرجسة راحت و اللمبة لسة بتنور يبقى العيب فى السلونويد بتاعه اما لو البرجسة راحت و اللمبة طفت يبقى العيب ان الرق اتقطع و يبقى كنترول الاسبرانزا بيحس بالبرجسة الى سببته قطعت الرق

ما شاء الله واضح من كلام حضرتك انك فسرت الموضوع
والسبب اللي مخليني مقتنع ان مش السبب الكنترول انه بايظ او البوابه زي الا سكانر ما بيقول
ان اللمبه مطفيه من ساعه ما رجعت من المتحده ونورت مره واحده وطفت تاني من تلقاء نفسها
وان العيب الموجود لا يستطيع الجهاز ان يحدده يقراء بوابه تلقائي
لكن
سلونويد البيئه ليه علاقه بالحساس بتاع علبه البيئه ولا هو حاجه مختلفه عنها
اظن انه حاجه مختلفه عنها لان لو الحساس اكيد جهاز كشف الاعطال كان قراءه
ولو طلع كلام حضرتك سليم يبقي مسمي قطعه الغيار المطلوب تغيرها ايه
وشكرا لحضرتك لسعه صدرك