[احمد الشيمى]

المشاركة الأصلية كتبت بواسطة msi_msi2002 الف مبروك على العربيه وربنا يكفيك شرها ليه كام سؤال انت بتقول انك مبتستخدمش المفتاح هو 2011 بدور بالزرار ولا بالمفتاح؟ هى مش زرار لكن مكان المفتاح فى قطعة من البلاستيك على راكبة مكان المفتاح وبتدور العربية وبتدور بيها لان الريموت حساس طول ما هو جوه العربية تقدر تدور العربية وتبطلها.والابواب بتفتح عن طريق البصمة هو زرار صغير جدا فى الباب بتدوس عليه طول ما الريموت قريب لمسافة 50 سم وبيفتح العربية معاك وفى حالة لو الريموت بطاريته انتهت فى مفتاح احتياطى متركب فى الريموت بيتفك عند الحاجة ليه. اخبار استهلاك البنزين ايه؟ استهلكها فى البنزين معقول جدا جدا ومش بتسحب بنزين كتير وانا قستها انى كنت بروح طريق المطار روحت ورجعت من ميدان لبنان 3 مرات ذهاب و3 عودة وما اخدتش غير قبل نص التنك بحاجة بسيطة وكمان مشغل التكيف. هل فيها مخدع فى النص ولا لأ؟ لا يوجد مخدع فى النص هل فيها عداد حساب فضلك كام كيلو على البنزين الموجود ( عداد رحلات يعنى)؟ هو فيها عداد بيقولك انت مشيت اد ايه بالظبط بعد اخر مرة حطيت بنزين. هل المكيف اتوماتيك ولا عادى؟ التكيف مش اتوماتيك عادى ومش موجود فيها حساسات ان الاضاءة بتشتغل لوحدها فى الامكان المظلمة زى مواقع الموصفات ما بتقول دى مش موجودة فى مصر فى اوروبا فقط. أخيرا رايك هى ولا السوبر صالون؟ انا من راى مفيش وجه مقارنة بين الاتنين خالص لان دى السوبر سيدان ام دى فسيارة عائلية بمعنى الكلمة لكن لو على راى لو انت عايز تشترى يبقى ليفينا لانها اوسع واريح فى كل حاجة ولو فى اى اسئلة تانية انا موجود وشكرا مقدما وياريت بقى الصور من جوه ومن بره

اعذرنى على موضوع الصور ده لانى فعلا مش عندى وقت واعتذر ولكن وعد باذن الله فى اقرب فرصة هتكون موجودة.