[osama xx]

أتمنى الافادة من أهل الخبرة العربية كانت شغالة زي الفل لحد ما عطلت مني في وسط البلد وجالي مكانيكي علشان يمشيها وكان سير الدينمو مقطوع غير سير الدينمو والبوجيهات وبعد كدة راح طالب يغير شاكوش وابلاتين وكوندينسر للاسبراتير وبردة ماشتغلتش راح مغير سير الكاتينة ودارت العربية وأنا ماشي على الطريق لقيت تنتيش ومدافع ولما ودتها للميكانيكي بتاعي ظبط الاسبراتير ومشيت كويس بعد يومين لقيت المدافع على بسيط أوى وفيوم مرديتش تدور الصبح سبتها لبليل ودورتها بس بعد طلوع الروح وانا ماشي لقيتها عند التاني بتبرجل جامد وكان عندي مشاوير مهمه عملتها واخر مشوار وقفت ومش عيزة تدور جبت ميكانيكي قريب ودورها وغير بوجيهات تاني لان البوجيهات الياباني كانت سيئة جدا ومبتحرقش (جديدة ) وظبط الاسبراتير تاني ومشيت العربية كويس بعد يومين البرجلة على التاني والتالت ومش عارف اعمل اية تاني ولا العيب في أيه بالظبط معلش طولت عليكوا بس علشان تعرفوا الحكاية كويس ملحوظة السحب مش كويس وشكرااااا