المشاركة الأصلية كتبت بواسطة tarek2012
السلام عليكم جميعا
انا عندى سيارة تريوس 99 1300cc مانيول العربية دى مزهقانى خالص.
المشكلة انى وانا دايس بنزين على اي غيار العربية مشية كويس وأول ما اشيل رجلى من على البنزين العربية بتهدى جامد مش بتسحب كأنى هديت بالفرامل وعزمها ضعيف عند مطالع الكبارى وصوت الموتور عالى وبتسخن فى السلانسية.
وديتها لمكانيكى رفع العربية وقالى الفرامل مش مشدودة وكويسة وغير زيت المروحة وقرط على وش السلندربس بردو لسة المشاكل كلها موجودة .برجاء الافادة.
ولو حد عارف ميكايكى تريوس كويس يدلينى علية .
وشكرا
|
هو حضرتك جايب العربية قريبا و لا معاك من الاول و بعدين العيوب دى ظهرت؟
بالنسبة لحكاية العربية بتهدى جامد لما تشيل رجلك من على دواسة البنزين فده حاجة كويسة لان الماتور كده كبسه ممتاز و دى ميزة فى العربية علشان توفير الفرامل و بيسموها engine braking
هل لو مورت العربية برضه بتهدى بمعدل سريع ؟
مش فاهم يعنى ايه غير زيت المروحه؟
اما عملية السخونة فى السلانسيه ليه اسباب كتير ابسطها تنضيف السربنتينة بتاعة التكييف و الرادياتير بهواء مضغوط لازالة الاتربة
و اصعبها تغيريات و اصلاحات جزرية فى نظام التبريد (زى الرادياتير مثلا) او صيانة للماتور (وش السيلندر مثلا)
فلازم فعلا ميكانيكى تريوس كويس يبص عليها
و ان شاء الله حد من الاعضاء يرشحلك واحد
و فعلا الاستاذ سعيد رشحلك واحد