[حسام البورسعيدى]

المشاركة الأصلية كتبت بواسطة احمد على 1999 حسام باشا مع تقديرى الشديد لرأيك بس تسمحلى اقول تجربتى العربية لما تكون متعودة على الميه العادية يفضل عدم استخدام الميه الخضراء لانها حتزيل الصدأ الى موجود فى الدورة و ده حيؤدى لانهيار الجدران و تلف الرادياتير و السربنتينة بتاعة التابلوه و احسن حاجة فعلا عن تجربة هى ميه الفيلتر او المقطرة (الى بدون اضافات حمضية) لو مضمونة و بالنسبة لموضوع درجة الغليان المفروض ان الاحسن هى الاعلى يعنى الميه العادية درجة غلاينها عند 100 بس دورة التبريد مضغوطة فدرجة الغليان بتزيد ممكن ل 130 او 135 و ده احسن لان الميه لو غليت مش حتقدر تمتص الحرارة لكن فعلا الميه الملونة لانها فيها جليكواثيلين الى فايدتة منع التجمد بياثر على درجة الغليان و يوطيها شوية ( وده نظريا اقل كفاءة فى التبريد من الميه العادية بس عمليا الفروقات بسيطة ) و بيبقى فيها مركبات تزيل الصدأ ودى كويسة و العربية زيرو و تفضل طول عمرها تستخدمه لكن مجرد ان العربية استخدمت ميه عادية و ابتدى الصدأ يتكون لو رجعت للميه الملونة حتشيل الصدأ و الرادياتير و سربنتينة السخن حيبقى منخل

طبعا رأيك فوق راسى يا باشا ...

ان متفق معاك فى الجزئية بتاعه ان لما يكون الريداتير فيه صدا نتيجة استعمال الميه العادية فتره طويلة يفضل عدم استخدام الميه الخضرا ..

بس انا شايف عمليا الكلام ده بيكون فى العربيات القديمة قوى او اللى ريداتيرها حالته متوسطة او اقل .. لكن لو الريداتير الى حد ما كويس يبقى مفيش مشكلة ...

انا عن نفسى كنت بستعمل مياه عادية فتره طويلة زمان وبعدين لما ظبطت الموتور غسلت الريداتير ودورة الميه كلها وحطيت ميه خضرا .. ومن ساعتها والدنيا تمام والريداتير ما زال سليم والحمد لله ..

ولكن طبعا كلامك مظبوط من الناحية النظرية فى النقطة دى ...






لكن بالنسبة لجزئية درجة الغليان فدى مختلف معاك تماما يا باشا (مع اعتبار ان التباين فى الراى لا يفسد للود قضية بالتاكيد) ....

لان قله درجة غليان المياه الخضرا عن المياه العادية دى اهم ميزه فيها .. لان لما تغلى يبقى ده اقصى درجة حرارة ممكن توصلها وفى الحالة دى تبريدها هيكون افضل ...

وطبعا المفروض الميه متوصلش لدرجة الغليان فى الطبيعى ....