[Komy]

إلى جميع أعضاء المنتدى الكرام:

إليكم هذا البيان:

شرفنى اليوم إتصال وحضور كل من الاخان الفاضلان
أبو الاسعاد وأحمد أحمدى وذلك بغرض الإطمئنان عليا اولا ومحاولة كشف الستار عن العربية ثانيا, ولأن إكرام الضيف واجب قررت أن أزيح الستار بشكل مبدئى عن العربية اللى جبتها متمثلا فى بعض المعلومات عنها إلى
أن ينتهى العمل عليها وأجيلكم بتقرير شافى وافى عنها إن شاء الله. وعليه:

العربية يا جماعة..............هى

بروتون ويرا موديل 2000

1300 CC إنجيكشن

جميع الكماليات مع ناقل حركة يدوى

وهى الان فى مرحلة الدوكو لأنى بعملها تجديد كامل للبودى الخارجى فقط, أما عن الموتور فهو والحمد لله بحالة تكاد تكون جيدة جدا لأنها كانت بتاعت راجل كبير فى السن ومحافظ على الموتور لكن كان مهملها من ناحية الشكل الخارجى.

والعربية لمن لا يعرفها هى مبنية بالكامل على تكنولوجيا يابانية مقتبسة من السيارة ميتسوبيشى لانسر 1994 المعروفة عندنا بإسم لانسر بطة ولكن مع بعض الاختلافات والإضافات فى الويرا متمثلة فى الموتور والشكل الخارجى للمصابيح الامامية والخلفية والتابلوه.

ودى شوية صور لعربية زيها لمن لا يعرف شكلها, وإنتظروا قريبا تقرير كامل عن البروتون ويرا يتبعه تقرير أخر عن عربيتى بقى بس لما تخلص إن شاء الله.