[SuccessCre8or]

تقييمي للفيرنا بعد 20 ألف كيلومتر و (سنة و نصف) ... :

انا الحمد لله كملت 20000 كم مع الفيرنا من يومين و حبيت اكتبلكوا انطاعي البسيط عن العربية.... (موديل 2007 هاف اوبشن - مانيوال - 1600 سي سي) http://img10.imageshack.us/my.php?im...052009004f.jp g 1- العربية جيدة جداً بالنسبة لسعرها و في نظري احسن عربية في فئتها و كفاية انها تستخدم احدث محرك بالنسبة لفئتها (محرك إلانترا 2006) 2- الدركسيون بتاعها خفيف و التحكم في العربية سهل جدا نظراً لأبعادها الواضحة 3- محرك العربية ماشاء الله قوي تسارع جيد و تكيف جيد جداً 4- التكيف بيأثر على السحب و بيحسسك ان العربية مخنوقة 5- صوت المحرك مش عالى قوى لكن عزل الصوت هو اللي سئ .. لو قفلت الزجاج و انت فاتح التكيف هتسمع أصوات ... دا غير صوت المحرك اللي المفروض يكون معزول اكتر من كدا 6- تم تغيير الـخمس كاوتشات عند 8000 كم ببريدجستون و في رأيي انه قلل من أصوات الطريق و قلل من عيوب الكاوتش الآخر المعروفة 7- صاج العربية جيد مش خفيف و لكنه ليس ممتاز .. و الدهان في رأيي سئ .. اقل حكة بطيره 8- العربية كويسة جداً لحد سرعة 100 كم/س (نادراً ما ازود عن 100 ) لا استطيع ان افيدكم اكتر لأني اعتبر مبتدئ ... 9- حتى الآن ماشي بالعربية بالجنط الأصلي اللي كان جاي فيها .. ناوي اغير انشاء الله قريباً 10- شنطة العربية واسعة جداً 11- طول فترة الـ20 الف كم لم يتم تزويد مياه للراديتير نهائياً - الحمد لله - مستوى المياه في قربة الرادياتير لم يقل ابداً عن المؤشر 12- استخدم زيت شل الأصفر و بغييره كل 4000 كم 13- الحمد لله من يوم ما العربية جت ما تعبتنيش خالص .. فقط تغير زيت, الصيانة الدورية , ظبط ضغط هواء الكاوتش فقط .. يا ريت اقدر افيدكم عن اي استفسار