الام 11 اسلوب و ال516 اسلوب
الاتنين مختلفين تقريبا في كل حاجه
وانا سوقت الاتنين وعاشرت الاتنين
516 سهله في قطع غيارها و انتشرت وبقي الميكانيكيه فيها زي الرز
m11 قطع غيارها قليله والميكانيكيه لسه بيتعرفو عليها علي الرغم انها تشبه الي حد كبير ال 516 مفهاش فزلكه يعني
الاتنين صاجهم حلو وجدا بس ال m11 افضل
m11 اثبت من ال 516 بمراحل بالرغم ان ثبات ال 516 جيد جدا
كانتشار ال516 اثبتت تواجدها وبقي ليها سمعه و اسم و سوق بالمستعمل
m11 بدات مشوار ال 516 فهتحتاج 3 سنين كمان عشان تبقي زي 516 دلوقتي
عن وجه نظري
لو عايز تبدل فعلا زود و هات التيجو 4×4 2000 سي سي اوتوماتك
لو حابب ال m11 سوقها الاول وجربها
وبالنسبه للمشاكل فهي مشاكل فرديه و مش هتلاقي اتنين متفقين علي حاجه
واقل مثال زي انا و استاذ عماد
هو في طريق و انا في طريق تاني خالص
وعلي فكره مشاكل حتي ال m11 سهله الحل و الله بس متوجعش دماغك بالتوكيل بعد ال 10 الالف كيلو
هي مشكله قله قطع الغيار بس عن نفسي بلاقي و بدبر ليها قطع من 516 والموضوع بيعدي لان دي مشكله وقتيه لا اكتر ولا اقل
فكر كتير قبل ما تاخد القرار