المشاركة الأصلية كتبت بواسطة msi_msi2002
أكيد اسالنى انا واللهى لو فضل الله ثم ثبات العربية لكنت مت
تخيل تفقد التحكم فى الدركسيون على سرعة 160 والعربية تروح يمين وشمال وتخبط فى عربية تانيه
والحمد لله ثبتت ومتقلبتش ولا حدفت حدفات غبيه
صدقنى عن تجربه ثابته جدددددددددددددددددددا
|
ربنا يبارك لك و يحفظك يا باشا ... لولا ستر ربنا اولا و اخيرا لكان الواحد حصل له حاجات كتير قوى ...
بس اللى انا قصدى عليه يا باشا ... بتبقى سايق و انت مطمن على السرعات دى ؟؟؟
بمعنى آخر لو سمحت يا باشا سوق أى حاجة ألمانى مرسيدس او بى ام او اودى او فولكس لو مع اى حد من اصحابك يعنى .. و اوصل سرعة 200 و سيب الدركسيون خالص .. او مش لازم تسيب الدركسيون ... اكيد هتلاحظ الفرق كويس جدا ....
و ده برده عن تجربة الالتيما و غيرها عربيات كتير جدا من كل الانواع
بصراحة فى الثبات الالتيما و الكامرى ضايعييين .. يمكن الالتيما احسن شوية صغيرين بس فى المجمل الاتنين مش ثابتين
و انا مش بعيب فى العربية و خلاص هى عربية امكانياتها كويسة بالنسبة لسعرها طبعا و بتتميز بالعملية و النعومة و الاقتصادية و رخص قطع الغيار و التكييف الكويس زى كل اليابانى
يعنى العربية زى اى عربية تانية لا كلها عيوب و لا كلها مميزات بس الثبات مش من احد مميزاتها
و شكرا ليك يا باشا مرة تانية
و ربنا يديك خيرها و يكفيك شرها