[attaa11]

المشاركة الأصلية كتبت بواسطة samirayad بالفعل الراجل ده بيتكلم صح بخصوص كيفية التعرف على كون منسوب الزيت بالفتيس زياده أو ناقص فى فتيس الانوس الأوتوماتيك المسمى لدى الصنايعيه ( بالفتيس المدفع ) ____________ وينصح أخى العزيز بضرورة تغيير زيت الفتيس وخصوصا الفتيس الأوتوماتيك كل فتره تشغيليه معينه للسياره نقول كل 60 ألف يبقى معقول _________ وياريت كمان تغير فلتر زيت الفتيس بالشكل ده هتحافظ صح على فتيس سيارتك الأوتوماتيك

في سؤال مهم : هل لو غيرت زيت الفتيس والفلتر .. احتمال ان الفتيس يضرب ويبوظ ؟؟ لان كتير بيقولو ان لو الزيت متغيرش نهائيا .. ينصح بعدم تغييره حتي لا يخرب الفتيس بالكامل ويتوقف عن الحركة ,,وطبعا انا شاري العربيه مستعمله فمعرفش اللي قبلي غيرها ولا لاء ؟؟؟

وسؤالي ده بسأله لان في النقله الاولي علي ال d العربية بتتاخر ( مش بتكون محضره ).. بس في ال r بتكون محضره كويس .. ايه رايكم ف ده ..؟ الميكانيكي قالي .. ان الفلتر محتاج يتنضف بس لازم هنغير زيت ,, انا قلقان الصراحه .. محتاج نصيحه

ساعات العربيه بتكون محضره علي ال d وساعات تانيه لاء بتطول عشان تاخر النقله وتبتدي تتحرك ..

وعند سرعه 100 كيلو عشان ازود بنزين واحاول اجيب ال 120 .. الاقي ال rbm عند رقم 4 وبيطول اوي اوي عشان ياخد النقله وينزل تاني .. مش عارف ده عيب فتيس ولا عيب ايه .. اللي انا فاهمه ان الاتوماتيك . مع كل دوسه بنزين زيادة نقله الفتيس من الاول للتاني مثلا ال rbm بيعلا عشان النقله تاخد وضعها وينزل تاني ومن التاني للتالت يعلا وينزل تاني وهكذا .. ده اللي انا فاهمه .. بس عندي عند سرعه 100 بيكون ال RBM ثابت علي 3 .. اجي ازود الاقي العربيه صوتها عالي وفين وفين عشان تاخد النقله وال RBM ينزل .. ياتري ده عيب ايه؟؟ وهل عشان انا غيرت الرشاشات يكون ده السبب ؟ هل عيب رشاشات مثلا ؟

رأي الخبراء ايه ؟؟؟