[سيف الدين سعيد]

بجد يا أحمد انت اللى الله عليك فعلا . والله تستحق مكافأه من المنتدى على موضوعك دا .
وانت اتكلمت بلسانى وتقريبا تفكيرك زى تفكيرى . ان العربيه دى مش مجرد جماد بنستخدمه لغاية ما نرميه او نبيعه . وانما هى كائن بيعيش معانا زى الزوجه تمام . ممكن نحبها من اول نظره . او نعشقها من حديث الناس عنها . ولما بتعيش معانا . لازم نعاملها بطريقه حسنه ومحترمه عشان هى كمان تعاملنا بحب وتشيلنا فى المواقف الحرجه . ومش بس كده . انما كمان تحافظ علينا وقت الخطر .

المهم . .
انا عن نفسى لازم كل اسبوع على أقصى تقدير انزل احمى العربيات بنفسى حمايه محترمه بالمياه والصابون . ثم التلميع . وغسل الموتور والحوض ان اتيح الوقت .
والتنظيف الداخلى للصالون باعمله لما بيكون مزاجى رايق . كل شهر أو شهر ونص تقريبا . باحب دايما اهتم بالفرش والمعطرات والأكسسوارات . واحسسها انها دائما مرغوبه .
وبصراحه . دائما بأتمنى رضاهم عنى .