رد: الحبس 7 شهور و 350 جلدة لمصري بالسعودية بتهمة الخلوة المحرمة
انتو عارفين مرتبات البعثة الدبلوماسية كام؟
انا اعرف معلومة مؤكدة ... من ضمن البعثة اللى بتبقى موجودة فى اى بلد بيبقى فية مستشار ثقافى ومستشار اعلامى ومستشار عمالى ومستشارين تانين واوقات فى بعض الاماكن بيكون فى ملحق عسكرى
ورئيس كل البعثة هو السفير
فى مرة عرفت مرتب المستشار العمالى من مصدر موثوق منة وهو 15000 دولار شهريا بالاضافة الى فيلا للسكن وعربية هيئة سياسية
وهو تشوفة ما ترضاش تسلم علية
شبة موظفين السجل المدنى (مع احترامى للسجل المدنى) وما بيعملش اى حاجة
بحسبة بسيطة اوى نقدر نتوقع مرتبات كل البعثة اللى موجودة وكمان تكاليفيها زى العربيات والفلل اللى بالهبل والمصاريف النثرية التانية زى الحفلات اللى على طول بيعملوها تلاقيها مثلا فى حدود 200 الف دولار شهريا
اضربها بقى فى عدد الدول اللى موجودة فى العالم
يطلعلك رقم مهول جدا شهريا وانا بركز اوى على شهريا
كل دة من الميزانية بتاعتنا
والنتيجة اية.......... ولا حاجة ......... المصرى مننا لما بيدخل اى قنصلية مصرية بيبقى زى ما يكون داخل قبر
والمعاملة زبالة
والحقوق ضايعة
انا اقتراحى نوفر كل الفلوس دى والمصريين اللى فى البلاد دى يشوفو حالهم بنفسهم وخلاص
ويسيبونا فى حالنا
__________________
اللى بنى مصر .... لا رسم .... ولا سطر
ولا عمل حسابة فى يوم ... ان الدنيا هتمطر
|