المشاركة الأصلية كتبت بواسطة DR-HEMA

انا خلاص يا جماعه قررت انى ان شاء الله لما ابدا اشترى اجييب جديد و امرى لله بدل تعب المستعمل و كده كده انا هجيبه قسط يعني 20 الف مقدم و اقسط الباقى

و بدات رحلة المقارنه اجيب ايه

بصوا يا جماعه
انا متطلباتى كالتالى
عربية واسعه

بتستحمل و تكون قادرة انها تسافر كتير يعني طريق مصر السويس اكتر حاجه 120 كيلو قول مثلا مرتين فى الاسبوع مرة رايح و مرة جاى ده اقل حاجه

يكون استعمالها فى البنزين بسيط اوى انا فلوسي كلها هتروح اقساط

يكون مستوى الامان فيها كويس و لو كله بيد الله

تكون قليله الاعطال و لو انه كله باذن الله

و تكون قطع غياارها سعرها معقول

مش هنقول سعر اعادة البيع لانى مش ناوى ابدل كتير

يكون توكيلها محترم عشان ميغشناش

تكون عربيه تستحق السعر الى بيدفع فيها

تكون سهلة الصيانه و تكاليفها بسيطة


انا اسف ان شروطي كتير بس هنعمل ايه بقى نقول يا رب اعتمادنا على الله و عليكم يا مهندسين و ربنا يكرمكم و يوفقكم و يوفقنى للطريق الصحيح