المشاركة الأصلية كتبت بواسطة zeeeeema
السلام علي الجميع
اولا باشكر الجميع علي الروح الرائعة دي ان الكل عاوز يساعد و بيتمني الخير
انا دخلت علي لينك (نت كار شو) و علي فكرة انا لقيت الجيتز بس و موديل 2006 اما الفيرنا و البونتو كلاسيك فهما مش موجودين اساسا ، انا كنت قريت في المنتدي مرة ان ال I20 هاتكون امتداد او بدل للجيتز في موديلات الهيونداي يا تري الكلام ده صحيح و هل ده هايفرق في قطع الغيار بعد كدة ولا ايه؟ و هو الفيرنا دي لمصر بس ولا الموقع ده هو اللي مطنشها؟ يا ريت لو حد من عشاق فيات يبعتلي لينك لصور البونتو (كلاسيك طبعا)
هو انا بيتهيألي ان المفروض الواحد يبص علي الفيات ال 131 و 132 و 127...... الي اخر العربيات اللي بتجري في شوارع المحروسة المتدغدغة من عشرات السنين و يشتري فيات و هو مغمض ولا الموديلات القديمة دي كانت فلتة ولا ايه الموضوع؟!!!
نبذة بخصوص الكماليات: وانا في الموقع الماوس جري ( لوحده صدقوني) علي صور الرولز رويس و الحمد لله ده خلاني اكتشفت ان شقتي واسعة !!! ايوة فعلا شقتي اوسع من العربية بشوية. بس السؤال اللي محيرني ان انا مش لاقي فتيس في العربية
|
الفيرنا ما هي الا اكسنت لكن الموديل القديم
اكسنت الجيل الاول ( 1995 - 1999 )
اكسنت الجيل الثاني (فيرنا ) (2000 - 2005 )
اكسنت الجيل الثالث (2005)
علشان كده الفيرنا تجميع مصري او هندي ... مفيش منها كوري خلاص
الI20 فعلا امتداد للجيتز من 2009 .. ولكن لسه منزلتش مصر ... والله اعلم غبور حينزلها امتى و بكام ... لكن يوم ما تنزل اكيد سعرها حيبقى اغلا من الجيتز .. يا اما حيرخصو الجيتز ...
Hyundai I 20
و هي كمان بتتجمع في الهند
اما بخصوص الصور في النت كار شو ... فهو غالبا بينزل صور الموديل الجديد ... يعني لو عربيه نزلت من سنه 2000 لحد 2005 مثلا .. حتلاقي صور موديل 2000 ولو حصل فيس لفت من 2006 حتلاقيه ... و طبعا مش كل العربيات بتنزل ... لكن اغلبها
فلو عايز تشوف البونتو كلاسيك .. شوف موديلات البونتو 2003
والجيتز 2006 هي الجيتز الموجوده لحد دلوقتي
والفيرنا .. يبقى تدور على هيونداي اكسنت من 2000 - 2005
وده مثلا رابط الفيرنا
http://www.netcarshow.com/hyundai/2004-accent/
الفتيس بقى موضه قديمه
ممكن حضرتك تشوف الموضوع ده عن الالفا روميو وحتشوف الفتيس دلوقتي بقى عباره عن ايه
http://www.masrmotors.com/vb/showthread.php?t=3994
والموضوع فيه فيديو واضح فيه طريقه النقل ptmnlo123per1106