رد: مباراة "العربية" و"الجزيرة" تنتهي بانتصار الأولى بهدفين نظيفين
امير قطر هو مالك قناة الجزيرة
ازاي انت عايز قناة تهاجم صاحبها!!!!!!!!!!!!!!!!!!! !!!!!!
ولا عقل ولا منطق ولا حتى في الاحلام
ولا حتى في اكثر دول العالم حرية و تحضرا تلاقي قناة تهاجم صاحبها
حتى في امريكا الملياردير الامريكي اليهودي صاحب قناة اي بي سي و غيرها ( يمتلك شبكة كاملة تحتوي على 3 قنوات اخبارية ) القنوات بتاعته كلها عمرها ما انتقدته - مش هوا بس ولا انتقدت اسرائيل ولا اللوبي الصهيوني و دايما بتاخد صفهم - كل قنواته بلا استثناء و هذا طبيعي و متوقع
لما العربية الاعلامي المصري لمح على حرية الراي ضد السعودية - تاني يوم خد كارت احمر
طبيعي جدا ان القناه متهاجمش قطر
نيجي للبحرين - في البداية كان فيه شبه متابعة خلال ال 24 ساعة للاحداث في البحرين و حطوها من الدول المشتعله - و العربية كانت نايمة في العسل
لكن تطور الوضع جدا - المتظاهرين فعلا لما اقتحموا الدوار اول مرة لاقوا اسلحة جوا الدوار - و شوفت فيديوهات ليهم ماشيين بصور شيعية و نفديك يا حسين
و فعلا قتلوا بعض رجال الشرطة و نكلوا بيهم و اختطفوا جثثهم - و قاموا بقتل ائمة مساجد سنة في المساجد الاوقاف في المناطق اللي فيها اغلبية شيعية و قتلوا اسرهم من نساء و اطفال
مسخوها على الاخر و كان واضح انهم عايزين ثورة زي ثورة ايران و نقل تبعية البحرين لايران زي ما حصل في العراق و سوريا و حزب الله
السعودية تدخلت فورا بقوات درع الخليج و جت تعليمات لكل القنوات بتعتيم اعلامي لمواجهة حرب غير معلنة من ايران
تقوللي الجزيرة؟؟؟ ايام ما التلفزيون المصري كان بيذيع نهر النيل و جمالة و العربية بتذيع صورة المدرعة اللي واقفة قدام ماسبيرو 24 ساعة مذيعو الجزيرة كانوا عاملين بث مباشر 24 ساعة من البحيرة والاسكندرية و القاهرة باحيائها المختلفة و السويس - حسيت ان في 40 مراسل للجزيرة
قناه ناجحة بكل المقاييس و لها الفضل في نجاح الثورة المصرية ضد الظلم و الجهل و الفساد و التخلف
|