رد: تقرير شامل و حصري لتويوتا كورولا عيون 1998 - 2000
انا عندي العربيه دي من النوع XL 1.2 Limited
المتور مختلف خالص عن الي في الصوره لان الي في الصوره دي 1.6
علي العموم هي العربيه رائعه علي الطريق لما تكون في افضل حالتها (مغير فيلتر زيت , العجل سليم , الزيت جديد , فلتر الهوا نظيف و البوجهات جديده او لسه شغاله كويس)
بتجري جامد و السحب بتاعها رهيب و ثابتتتتتتتتتتتتته اوي و هاديه جيدا علي الواقف لدرجة انك ممكن ما تعرفش انها شغاله اصلا
ميزه جامده اوي كمان تاكيف العربيه رهيب رغم اني الفائه الاقل مش بعرف اعلي التكيف عن LO
من كتر ما التبريد جامد
و الاجمد كمان ان انا قعدت 11 سنه ما صلحتش حاجه خالص في التكيف ولا شحنتوا حته
و يوم ما فتحتوا فتحتوا عشان تنظيف بس لان الاتربه من 11 سنه اتراكمت جامد و كان التكيف ضعف شويه
لكن عيوبها بقه
لو اي حاجه من الحاجت دي عاوزه تتغير و انت نفضت العربيه بتزعل : D
يعني العربيه مش ها تسحب و ممكن تسمع لها صوت من الاخر محتاجه اهتمام مش زي عربيات تانيه
العربيه واطيه جيدا لدرجه انها ممكن تخبط في طوبه مرميه علي الارض
و يعني تقريبا مافيش مطب العربيه مش عامله عليه علامه ممن اثر الكحت باثتثناء المطبات الي في الحتت النظيف
عيب كمان انها ضيقه بصراحه ما انصحش حد معاه عائيله و عاوز عربيه واسحه يجيبها
اخر حاجه ان قطع غيرها قلت شويه في السوق بس لسه بنعرف نجيبها
|