[yoga]

مشكورين يا جماعه

والله انا قرفت م العربيه وكرهتنى فى الانسر عموما وباندم ان انا شريت مستعمل ووثقت ف الصنايعيه الغير المحترمين وفى صاحب العربيه ومن يوم ما شريتها وانا موراييش غيرها ومن صنايعى الى صنايعى ومفيش حد بيراعى ضميره منهم لله كلهم

طبعا عملت حسبه لاستهلاك الوقود لقيت انها بتستهلك داخل المدينه فى الليتر الواحد 8.6 كيلو يعنى بتعمل فى الصفيحه 170 كيلو ودا طبعا مشكله من وجهه نظرى

موضوع صعوبه الدوران رجع تانى يعنى بتدور بصعوبه 6 مرات او اكثر والار بى ام واطى طبعا واخر صنايعى كشف ع العربيه بيقول ان الانجكشن البخاخات فيها مشكله وانها بتضخ بنزين زياده والمفروض يتم تغيير البخاخات وعمل تيست لطرمبه البنزين وقال انها سليمه وكويسه وان اللى بيخليها بتدور بصعوبه الصبح البنزين اللى بيبقى متراكم من كتر الضخ وده بيزود الحمل على الطرمبه الصبح وبالتالى بتدور بصعوبه كمان لما حاط العربيه ع الجهاز بيقول ان الانجيكتور المفروض يفتح كل 2.05 ميللى ثانيه ولكن انا بيلعب ما بين 2.05 ميللى ثانيه و1.79 ودا بيأكد ان الانجيكتور مش سليم ويستدعى من وجه نظره تغيير الانجيكتور ز

بالاضافه فعلا انا حاسس ان كهربه العربيه مش مظبوطه لان عندى لمضه الصالون المفروض تنور لما افتح الابواب ولكنها تنور ببصيص بسيط ولما تفتح النور عادى بينور وروحت للكهربائيه الحمير (عذرا ف اللقظ) ولا واحد حل هذه المشكله حتى يومنا هذا

عاوز اروح التوكيل بس خايف من نار المصاريف بتاعته

كمان فيه عضه فى الغيار الاولانى وبتظهر فقط والعربيه ماشيه يعنى لما بتهدى العربيه وبتحب تديها الاولانى لايمكن تديه اما لما تيجى تتحرك ف البدايه عادى مفيش مشكله

ازاى اعلى كهربه العربيه ؟

هل التنظيف للبخاخات الترا سونيك هيقلل من الاستهلاك ام يزيد وازاى وفين؟

موضوع الغيار الاولانى هل هو مهم تظبيطه ام لا لان انا طالما طلعت بالعربيه خلاص بانسى الغيار الاولانى يعنى ماشى ع التانى وما فوق لان فيه ميكانيكى قال عادى