[مهند سالم]

المشاركة الأصلية كتبت بواسطة corsair انا مش فاهم هو لسه لحد دلوقتي في حد بيشكك في الثورة والانجازات اللي احنا وصلنلها لحد دلوقتي سبحان الله في طبع الانسان بجد حاجه غريبة ويا ريت نبطل نرمي التهم علي بعض بالشكل ده وبطالب اخويا علاء صفوت وباسم وفادي وحازم خضر بالكف عن الكلام في الموضوع ده علشان في ناس بيتحرق دمها بالكلام ده وانا معلش مختلف مع ابو نورا في موضوع الاعتذار ده لاني مبحبش اجبر حد علي انه يعتذر لانه في الاخر شئ يخصه اعتزر هيزيد في نظر الناس معتزرش ولا هيزيد ولا هينقص شئ معانا لاننا لا يعنينا الا الارتقاء بحال البلد وبدعيلكم ان ربنا يهديكم ويهدينا ويهدي النفوس ما بينا لاننا في النهاية اخوات ومينفعش اللي بيحصل ده انا قولت اللي عندي وربنا يرحم شهدائنا وينتقم من كل فرد فرط في دمهم واباحه وان شاء الله نشوف احكام تريح الناس في طربتهم

أنا مختلف معاك في حاجة واحدة بس يا أحمد:
ما ينفعش طربتهم؛ لأنها بالتاء: تربتهم.
معلش هي دي الديمقراطية ، إني أختلف معاك على حرف التاء؛ لأن مصر بعد 25 يناير غير قبل.
هو طبعا الموضوع أخطر من مجرد حرف:
افترض واحد عايز يروح يقرأ الفاتحة على تربتهم، مش هيلاقي تربتهم لأنك كتبتها بالطاء وهي بالتاء وبالتالي ممكن نتوه.
طبعا الاختلاف في الرأي لا يفسد للود قضية، وهي دي الديمقراطية.
والله العظيم أنا لو منك أحذف طربتهم دي خالص وأكتب أي حاجة ثانية وأريح نفسي:
يعني في مدافنهم
في مقابرهم
في آخرتهم
أي حاجة.
تقبل تحياتي