رد: تابلوه الشاهين
بص يا باشا
الاول هاتفك العدادات مع الحرص التام انك متبوظش حاجة بعد كده
الشكل
فيه ستيكر بيتباع عند بتوع الكماليات وفيه منه فضى لميع وذهبى وخشبى وسعره مش غالى تقريبا 6ج للمتر اشترى نوع كويس انا عن نفسى عملتها بالخشبى اشتريت 1/2 متر وموس حلاقة بعد كده تلزق الستيكر الخشبى كويس فى الاماكن المناسبة فى التابلوه وتقطع الزيادات بالموس بدقة لما تخلص هتلاقى شكل التابلوه نفسه اختلف 180 درجة وممكن تعمل نفس الموضوع فى وش العدادات سواء بخشبى او بفضى
الوان العدادات نفسها ممكن تفصل انت ستيكر بايدك على قد مقاسات الارضية وتجيب مونكير اظافر او بوهية اللون اللى انت عايزه وتغير لون الارقام وممكن تدهن الابرة بتاعت الموئشرات فسفورى
الاضاءة
- ممكن تشترى 2 شريط ليدات بس مش تركبه من بره زى الاجرة لا لما تفك التابلوه تمشيه فى الدورانات بحيث ما يكونش ظاهر خالص هيديك اضاءة جميلة
- او ممكن تروح عند بتوع الالكترونيات وتشترى لمبات ليد 5مم 1 وات والمقاومات بتاعتها اللمبة الازرق والابيض والاحمر والاخضر ب 25 قرش والمقاومة اللى تشغلها على 12 فولت ب 5 قرش وبتركب المقاومة على احد اطراف اللمبة وتعيش وفيه لمبة ب 75 قرش بتنور 3 الوان جراية تشوف ذوقك ايه فى الالوان وتركبهم فى اماكن مناسبة وممكن برضه تعمل كل الالوان ويبقى كل لون على مفتاح وتغير براحتك . على الفكرة اللمبات دى مابتسخنش واضائتها قوية وحجم صغير والاهم عمرها طويل جدا
اى استفسار تانى انا معاك
|