[hazem_khidr]

شكرا استاذ طارق علي المعلومات
اسمح لي اضيف قليل من المعلومات من خلال تجاربي للسيارات سواء جديده او مستعمله
البوجيهات و تغيير بصفه منتظمه يساعد علي احتراق الوقود بصوره جيده و بالتالي الحفاظ علي غرف المحركات بدون رواسب كربونيه اطول فتره ممكنه..كمان فيه حاجه بعملها لما بغير البوجيهات و هي اني بجيب منظف كاربيراتير من البنزينه و احطه منه كميه في سرنجه و احقن مكان البوجيهات و اسيبه لمده ربع ساعه و بعدين سنه مارش يقوم طارد كل الرواسب الموجوده.
حاجه كمان زي زيت الفتيس لو يتغير كل 40 الف كيلو حيحافظ علي التروس و نعومتها لاطكول فتره ممكنه .
و كمان تغيير زيت الفرامل كل 40 الف كيلو و مياه التبريد و بكده نكون حافظنا علي ماستر الفرامل و مجاري المياه و تلاقي العربيه فايقه معاك علي طول

اعتقد لو عملنا الحاجات البسيطه دي كل فتره و اتكلفت شويه مش مشكله في سبيل ان العربيه تفضل حالتها ممتازه