الف شكر لكم اخوانى الاعزاء
على فكرة انا من الاسكندرية برده يا استاذ didos
بس برده معرفناش مين الاحسن
انا بدور على عربية كويسة و نعمة و امكنيتها حلوة و سعر كويس فى حدود 15 الف
ناس ياما نصحونى باللادا بس هى مش عجبانى لخشونتها و تقلها انا معايا حاليا 128 بس متعبة هى مش مكلفة بس مفهاش اى نوع من الراحة فقولت اجرب الفرنساوى فيه ناس بقول وحش و ناس بتقول حلو بنسبة لقطعة الغيار لو معمرة مش مشكلة اعادة البيع مبفكرش فيها قبل 3 او 4 سنين لو العربية حلوة معايا
|
لو عايز الراحة يبقى اللادا مش مناسبة خالص ..... اللادا خشنة جدا .......
انا معايا رينو 18 موديل 79 ... 1600cc ... العربية ممتازة .... المتور بسم الله ما شاء الله يسحب مع اى عربية تعجبك .. العربية فى منها مكيف و بزجاج كهرباء ....... و شكلها اظرف من 305 و 504 بمراحل ... و الصالون بتاعها بنسبة لموديلها فخمة جدا ........
المشكلة اللى تعبانى من العربية قطع الغيار بجيبها غالية .... بس دا ممكن عشان أنا فى الصعيد لكن أسكندرية و القاهرة مفيهمش مشكلة فى قطع الغيار ..... و كذلك الميكانيكى اللى يشتغل فيها ..... فين و فين على ما لقيت واحد بيشتغل فى الرينو بس برضو لو القاهرة أو الأسكندرية مظنش أنه هيبقى فيه مشكلة ...
غير كدا العربية تمام و مريحانى جدا ..........
بالتوفيق إن شاء الله ...
تحياتى ...