رد: زيت العربيه .. اتجنيت خلاص ..
بص يا باشا كل الزيوت المعدنية اللي بتتغير كل ٣-٤ آلاف كيلو زي بعض تقريبا مع اختلاف السعر من شركة لأخري واغلي واحد فيهم موبيل اللي ب١٢٠ وكلهم بيتعبوا في مصر
يبقي انت هتختار الاريح لعربيتك واللي ممكن يقعد معاك ل ٥٠٠٠ كم مثلا من غير ما يتحرق
عندك شل الاصفر ب ١١٥ بيتعبي في مصر
عندك توتال ب ١١٠ تقريبا وبيتعبي في مصر
عندك موبيل الفضي اللي قلنا عليه
فيه فيسكو الشبه تخليقي الاخضر ب ١١٥ بيتعبي في الامارات ( انا بستعمله )
في زيت تعاون مش فاكر اسمه ب ٩٠ جنيه وزيه زي اللي فاتوا
وكل دول لازم تغيرهم في المتوسط علي ٤٠٠٠ كم
طيب لو موتور عربيتك حالته تمام ومش بيحرق زيت
ليه ما تستعملش زيت تخليقي ؟؟؟
ده متوسط سعره ٢٥٠ جنيه ويقعد معال المفروض لغاية ١٥٠٠٠ كم
فلو حسبتها هتلاقيه اوفر
ده غير بقي ان كل الشركات بتجيبه من بره ( ماعدا موبل بيعبيه هنا )
توتال كوارتز فرنساوي
شل و التعاون اتحاد اوروبي
في الآخر انت هتقول ايه الانسب لمكنتك
وعلي فكره الجماعه الاوربيين كلهم ما بيستعملوش غير الزيوت التخليقيه وعندهم طبعا انواع تانيه كتير وبيغيروا الزيت كل ١٠٠٠٠ ميل
|