السلام عليكم شباب المنتدي المحترمين
انا عندي اكسارا ١ مو ٢٠٠١
المهم اني لما اشتريتها بعد فتره اكتشفت ان الكانستر مش موجود ( الظاهر انها خدت خبطه في الرفرف اليمين فاتكسر والراجل بدل ما يركب واحد تاني قام استسهل ولغاه )
طبعا انا ما ينفعش معايا الكلام ده
سألت عن وظيفته ناس قالتلي وظيفته انه يكثف بخار البنزين الزياده ويرجعه التانك
وناس قالت انه كمان بيضخ البخار ده مع مجري الهواء في المانيفويلد لحرق افضل ...
طيب انا جبت واحد استعمال
لاقيتة عباره عن علبه بلاستيك تقريبا فارغه خالص ( يعني مافيهاش اي حشو كربون مثلا او اي حاجة من اللي بتبقي داخل الفلتر مثلا ) هل ده صحيح ؟؟
دي صورته
لاحظوا حاجة مهمه ان في خرطومين علي اليمين واحد راجع التانك وواحد رايح علي المانيفويلد بعد ما يعدي علي فالف بفيشه تمام
الشمال فيه فتحه اوسع اللي تحت دي وصورتها اهه
الفتحة دي اللي مبرجلاني الصراحة اوي لانها مش واصله باي حاجة وفي نفس الوقت مش مسدودة
بنفخ فيها سالكه علي جوا فيبقي ايه وظيفة الكانستر بقي لو حو بيجمع البخار ويطلعه من هنا ...
اللي عنده معلومه عن البتاع ده ياريت يفيدني هل الكلام ده صحيح وللا الكانستر اللي انا شاريه فيه حاجة ولا هو بيبقي كده ؟؟
وشكرا للجميع