المشاركة الأصلية كتبت بواسطة hyundai2005
الف شكر يا بشمهندس وبرجاء افادتنا بالمزيد من المعلومات عن الفروق بين البنزين ال 80 و 90 و 92 |
جزاك الله خير
بص يا سيدى الفرق بين انواع البنزين هو رقم الأوكتان
طيب هو ايه رقم الأوكتان
ببساطه بيجيبوا محرك بمواصفات ثابته وبيكون كأنه ماشى فى طريق ثابت و مره تانيه طريق شاق
من الأخر كأن عربية بتتحرك
وبيشوفوا الخبط فى المحرك مع نوعية البنزين المستخدم
طبعا كل لما قل الخبط زادت جودة الوقود
الفكره ان كل لما زاد الأوكتان قل الخبط فى المحرك وبالتالى كان أحسن للمحرك
- طيب ساعات بيكون فى مشاكل تانيه زى مثلا العربية فى الشتاء أول لما تيجى تدورها تكركر
- او ان اول عشر دقايق تلاقىالماتور بيرعش
- او ان العربيه مبتسخنش بسرعه
- او ساعات الكربراتير فى العربيات القديمه بيتسد
فى الحقيقه ده بيبقى بسبب الجو وان مواصفات البنزين ومش عيب فى الماتور
فالخفيف من البنزين بيكون فى الأول قليل ومبيعملش احتراق بسهوله فى الشتاء البارد أوى
طبعا كل لما زاد الأوكتان قلت المشاكل
برده لو الجو بارد وفيه رطوبه كبيره تيجى وقت الفجر تدور العربيه لو كربراتير بيتكون كوره من جليد تسد البكات وبالتالى تكركر ومتدرش والى اخره
نصحتى سيب العربيه تدفى الأول قبل ما تسوق عشان الماتور ميسخنش بسرعه وده مع الوقت يقلل عمر الماتور
على فكره فى كذا طريقه لقياس الأوكتان لأن طبعا كل محرك عربية بيختلف عن التانى مش ال ثابت بتاع المعامل وبالتالى الماتور الكويس ميخبطش مثلا مع اوكتان 85 او 90 ولكن لو الماتور تعبان ممكن حتى مع 95 تحصل معاه مشاكل
أسف كلام كبير اتمنى اكون افدكم
ياريت لو فى اى استفسار انا موجود