المشاركة الأصلية كتبت بواسطة mmffor
بص
الليفينيا احدث من النيسان صني و اوسع جدا في الصالون من جوه
تقريبا الفرش بتاعها جلد
سعرها اغلى طبعا اعتقد 125 الف
مكونات ياباني تجميع صيني بس جودة تصنيع و فخامة و راحة مفيش بعد كده
انا عاينتها قبل كده في توكيل مدينة نصر و طلعت من عيني
فل فل اوبشن - و تكنولوجيا الموتور بتاع التيدا مش الصني
|
متشكر جدا على الرد
- شوف بصراحه هى عجبانى انا كمان فى الشكل من بره وفى الوسع
من جوه شكل الصنى سوبر صالون احسن وبعدين اماكن التخزين مش كتيره ومفيش عداد حراره
(سؤالى ايه الى بيعرفنى درجة الحراره للعربيه لو مفيش عداد حراره انا مجربتش الموضوع ده قبل كده فاعرف منين العربيه سخنت او عند اول ما ادورها وكده)
- هى عامله 116000 تقريبا فالفرق بينها وبين الصنى سوبر صالون حوالى 15 ال بس
الى لحظته وياريت حد يأكدلى
تتميز السوبر صالون ب - الجلد الطبيعى للهندبرك والعجله وكده
- الأبانوس
- مرايات فى الشماسه بلمبه
- طى المرايات الجانبيه
- ذراع امامى وذراع خلفى ومكان للكوبايات مش الزحمه الى فى التانيه
- مكان للنظاره ولمبات للقراءه
- طبعا الريموت بيفتح الشنطه
- معندكش مخزن فوق الكاسيت
بينما تتميز اليفينا
هاتش باك ومساحه واسعه وصالون واسع وشكل مميز من بره
حساسات الضوء الأتوماتيك
الحوامل فوق السياره
الأرتفاع عن العرض مع مطبات مصر
اغلى شويه فى قطع الغيار
نفس عوامل الأمان المميزه للأثنين
مثل الفرامل الثلاثيه ووسائد الأمان لسائق والراكب الأمامى
عزم الماتور فى الصنى اكبر لقلة الوزن على ما اعتقد ولكن الأثنين نفس قوة الماتور
أخيرا ده راى بعد تدوير كتير بس الى جرب وساق وشاف أفضل منى بكتير فياريت رأيكم
