المشاركة الأصلية كتبت بواسطة محمد عبد الفتاح الكومى
السلام عليكم أنا محمد عبد الفتاح الكومى من طنطا 34 عام أعمل أخصائى مكتبات بالتربية والتعليم أما عن عربيتى فهى أوبل إسكونا موديل سنة 1984 وفى الحقيقة أنا ماكنتش اعرف الطراز ده من قبل كده ( قبل ما اشتريها ) لكن والله طلعت صفقة العمر بجد عربية المانى موتور 1600cc تقيله عالطريق وثابته وواسعة جدا كمان سريعة وهى الموديل اللى كان بينتج قبل الفيكترا ( حتى عام 1989) حبيتها جدا وإكتشفت أنى مش ممكن ألاقى المواصفات دى كلها فعربيه بالسعر ده أبدا وتحدى ............ أما عن العيوب ففى وجهة نظرى المتواضعة فهى إن تصميم الشكل الخارجى للعربية صعب تحدد هو بومبيه ولا زوايا حاده صريحه وبالنسبه لقطع الغيار فهى متوفرة بكثرة فى القاهرة لكن عندنا فى طنطا مش كتير وده لا يعتبر عيب فيها هى طبعا وسعيد جدا بالموضوع وبالفكرة وبمشاركتى فيه وأخيرا صورة للإسكونا لمن يهمه الأمر
|
حبيب قلبى محمد باشا :
وحشتنى جدا وشرفتنى بوجودك فى الموضوع . وكمان مواصفات عربيتك الغاليه .
وعلى فكره انا بأعشق الأوبل وخصوصا القديم منه . ووالدى عنده أوبل ريكورد موديل 65 . وهى فعلا عربيات جباره وعملاقه . حتى أمام الحديث منها .