رد: الجيش المصري: لم نجبر مبارك على التنحي
عجااااااايب !!
امال ليه الجيش اعلن كذا مرة انه مش هيستخدم السلاح ضد المتظاهرين ؟
وليه كان فيه اوامر للشرطة وللجيش والبلطجية بتصفيه الثوار اكتر من مرة وباكثر من اسلوب
وليه المجلس العسكرى انعقد مستقلاً قبلها والاخبار كانت بتتوارد علينا فى التحرير من ظباط الجيش بان فيه ضغط منهم على الرئاسة لتحقيق مطالبناً
وليه مكانش ده باين فى خطاباته وتصرفاتة وليه مطلعش يعلن تنحية ده بنفسه ويبقى بطل زى ما بتقولو ؟
كان ساعتها هيبقى بطل فعلاً وكان هيحقق اللى وعد بيه بتسليم مصر بشكل افضل واكثر اماناً
كان عندة وقت يستخدم قوتة لاعادة الامن وكان يستقبل الشباب بنفسه ويحاورهم
كان يقدر يسلم القيادة او يعين نائب يمثل الشعب ويتنحى او يترك القيادة ليه وساعتها كان هيجنبنا تعطيل دستور واعلانات دستورية وافتكاسات دستورية ومجلس رئاسى ومجلس عسكرى والهم ده كله
ده حتى غير انه كان هيبقى بطل وجدع والكلام ده كان هياخد فرصة للاستمرار فى التمتع بالحصانات الرئاسية الى حين تولى رئيس جديد وغالباَ شعبيته وموقفة كان هيشفعله بعد كده ويعفيه من المسائلات
وساعتها كنا هنصدق ان اوامر ضرب الناس مجاتش منه وان تغييب الناس وتضليلهم عن الحقيقة وقطع وسائل الاتصال والحرب النفسيه كل دول مكنوش برضاه ومباركته !
فرضية متناقضه ومستحيل اصدقها وميهمنيش اصلاً اذا كان تنحى ارغاماً ولا انهزاماً واستسلاماً اللى يهمنى انى اعرف حجم مسؤليتة واشتراكة فى التخريب اللى حصل لامن البلد واساله دماء الابرياء
وانه يتحاسب عن فساده المالى والسياسى بشكل عادل واللى اتسرق يرجع للبلد تانى
غير كده اللى انا مصدقة ان جيشنا فيه ابطال وشرفاء ووطنيين بجد هما اللى حمونا وهيحمو الشرعية ومطالب الشعب دائماً ان شاء الله لنبقى فى رباط الى يوم الدين
وقبل وبعد كل ده ثقتى فى الله وحمايتة لمصر وشعبها فنحمد ربنا ونتأكد ان ارادة فوق ارادة او ممانعة اى حد
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|